અભિષેક બચ્ચન પહેલી વાર પહેરશે એંકરની હૅટ
મુંબઈ, 4 જાન્યુઆરી : બોલ બચ્ચન ફિલ્મમાં દર્શકોને હસાવનાર જૂનિયર બચ્ચન પોતાની કૅપમાં વધુ એક પીંછુ ઉમેરવા તૈયાર છે. તેઓ રીતેશ દેશમુખ સાથે ઝી સિને ઍવૉર્ડ્સ 2013ને હોસ્ટ કરવા તૈયાર છે. યશ સ્ટુડિયોમાં આ ખાસ દિવસની તૈયારીઓમાં વ્યસ્ત અભિષેક બચ્ચને જણાવ્યું - હું આ વર્ષે ઝી સિને ઍવૉર્ડ્સનો ભાગ બની ખૂબ ખુશ છું. આ વખતે હું પોતાના મિત્ર તથા ભાઈ રીતેશ દેશમુખ સાથે શોને હોસ્ટ કરીશ.
અભિષેક બચ્ચને જણાવ્યું - લગભગ 15 વરસ બાદ ઝી સિને ઍવૉર્ડ્સની મુંબઈ વાપસી થઈ રહી છે અને અમારા પ્રયત્નો દર્શકો માટે મનોરંજક હશે. અમે પોતાના દર્શકો માટે ફિલ્મો બનાવીએ છીએ. તેમના પ્યાર કે ટેકા વગર હકીકતમાં અમે કંઈ જ નથી. ઝી સિને ઑવૉર્ડ્સનો આ જ મુખ્ય મુદ્દો છે. દર્શકોએ મને અને રીતેશને એક સાથ ફિલ્મોમાં ખૂબ વખાણ્યાં છે અને હવે આશા છે કે ઝી સિને ઍવૉર્ડ્સમાં પણ અમારી જોડી સૌને ગમશે. આની પાછળ એક કારણ એ પણ છે કે અમે હકીકતમાં આ માટે ખૂબ પરસેવો વહાવી રહ્યાં છીએ.
રીતેશ દેશમુખે પણ અભિષેક સાથે સૂર પુરાવતા જણાવ્યું - અભિ અને હું પહેલી વાર એક સાથે કોઈ ઍવૉર્ડ કાર્યક્રમ હોસ્ટ કરવા જઈ રહ્યાં છીએ. અમે આ તક આપવા બદલ ઝી સિને ઍવૉર્ડ્સનો આભાર. ઝીએ અમારા ખભે મોટી જવાબદારી મૂકી છે અને અમને આશા છે કે અમે દર્શકોનું ભરપૂર મનોરંજન કરવામાં સક્સેસ રહીશું.
દરમિયાન આ સમારંભમાં જે સિને સ્ટાર્સ હાજર રહેવાના છે તેમાં શાહરુખ ખાન, અનુષ્કા શર્મા, કૅટરીના કૈફ, દીપિકા પાદુકોણે, આયુષ્માન ખુરાનાનો સમાવેશ થાય છે. આ સમારંભ 6ઠી જાન્યુઆરીએ મુંબઈના યશરાજ સ્ટુડિયોમાં યોજાશે અને તેનું પ્રસારણ ઝી ટીવી ઉપર 20મી જાન્યુઆરીના રોજ રાત્રે આઠ વાગ્યે થશે.