7 મેના રોજ મતદાન કર્યા બાદ ફ્રીમાં કરી શકશો AMTSની સવારી
Lok Sabha Election 2024: અમદાવાદ મ્યુનિસિપલ ટ્રાન્સપોર્ટ સર્વિસ (AMTS) એ શહેરમાં 7મી મેના રોજ મતદાનના કલાકો દરમિયાન જે લોકો મતદાન માટે ચૂંટણી કાર્ડની ફોટોકોપી, મતદાર માહિતી સ્લીપની ફોટોકોપી અથવા આંગળી પર શાહીનું ચિહ્ન બતાવે છે, તેમના માટે મફત બસ સવારીની જાહેરાત કરી છે.
મતદાનને વેગ આપવા અને નાગરિકોને મતદાન કરવા પ્રોત્સાહિત કરવા માટે આ નિર્ણય લેવામાં આવ્યો છે. અત્રે ઉલ્લેખનીય છે કે, ગુજરાતમાં 7મી મેના રોજ સામાન્ય ચૂંટણીના ત્રીજા તબક્કામાં 25 લોકસભા બેઠકો માટે મતદાન થશે.
ઉલ્લેખનીય છે કે, આ પહેલા રેપિડો દ્વારા જાહેરાત કરવામાં આવી છે કે, તે 07મી મે, 2024ના રોજ અમદાવાદ, વડોદરા, રાજકોટ, સુરત અને આણંદ જેવા મોટા શહેરોને સમાવીને સમગ્ર ગુજરાતના મતદારોને મફત બાઇક ટેક્સી રાઇડ આપશે.
રેપિડોએ એક રીલીઝમાં જણાવ્યું હતું કે, ચૂંટણીના દિવસે, મતદારો VOTENOW કોડનો ઉપયોગ કરીને Rapido એપ્લિકેશન પર મફત રાઈડનો લાભ લઈ શકે છે, અને તેમના લોકશાહી અધિકારનો ઉપયોગ કર્યા પછી ઘરે જવા માટે મફત રાઈડ મેળવી શકે છે.
Click it and Unblock the Notifications
Sign in with Google
