• search
For Quick Alerts
ALLOW NOTIFICATIONS  
For Daily Alerts

અમદાવાદમાં શરૂ થયો વરસાદ, સૌરાષ્ટ્ર તેમજ ઉત્તર ગુજરાતમાં પણ આગાહી

|
Google Oneindia Gujarati News

અમદાવાદઃ અમદાવાદના વિવિધ વિસ્તારોમાં હાલમાં ભારે પવન સાથે વરસાદ શરૂ થઈ ગયો છે. અહીં નારણપુરા, ઘાટલોડિયા, એસજી હાઈવે, વૈષ્ણોદેવી, બોપલ, શીલજ વિસ્તારમાં વરસાદ વરસી રહ્યો છે. વાતાવરણમાં ઠંડકની સાથે સાથે રસ્તા પર પાણી ભરાવાનુ પણ શરૂ થઈ ગયુ છે. આગામી બે દિવસ સુધી અમદાવાદમાં વરસાદની આગાહી છે. અમદાવાદમાં સિઝનનો 8.42 ઈંચ વરસાદ નોંધવામાં આવ્યો છે. વાસણા બેરેજમાં પાણીનુ લેવલ 134.25 ફૂટની સપાટીએ પહોંચી ગયુ છે જ્યારે કેનાલમાંથી 109 ક્યુસેક પાણીની જાવક નોંધવામાં આવી છે.

હવામાન વિભાગે આજે અમદાવાદ, ગાંધીનગર, મહેસાણા, પાટણ, બનાસકાંઠા, અરવલ્લી, મહિસાગર, ભાવનગર, અમરેલી, દ્વારકા, પોરબંદર અને પંચમહાલમાં ભારે વરસાદની આગાહી કરી છે. ચોમાસુ શરૂ થતા રાજ્યના મોટાભાગના સ્થળોએ હળવાથી મધ્યમ વરસાદ નોંધાયો છે. રાજ્યમાં સરેરાશ 29 ટકા જેટલો વરસાદ નોંધાયો છે જેમાં તાપી, ડાંગ, છોટા ઉદેપુર, ગીર સોમનાથ, પોરબંદર અને દાહોદમાં ઓછા પ્રમાણમાં વરસાદ થયો છે.

હવામાન ખાતાની આગાહી મુજબ દક્ષિણ ગુજરાતમાં માંડવી, દીવ, ઓખા અને જખઉના દરિયામાં ભારે પવનના કારણે 3થી 4 મીટર જેટલા ઉંચા મોજા ઉછળી શકે છે માટે દક્ષિણ ગુજરાતના માછીમારોને 24 જૂન સુધી દરિયા નહિ ખેડવા માટે ચેતવણી આપવામાં આવી છે. વળી, 60 કિમી સુધીનો પવન ફૂંકાવાની આગાહી હોવાથી દરિયાઈ વિસ્તારના માછીમારોને દરિયામાં ન જવા માટે સૂચના આપવામાં આવી છે. વળી, રાજ્યભરમાં 12 કલાકમાં 144 તાલુકાઓમાં વરસાદ પડ્યો છે જેમાં મહેમદાવાદમાં 4.7 ઈંચ, ખેડામાં 3.3 ઈંચ, માંડલમાં 2.3 ઈંચ અને માતરમાં 2.9 ઈંચ વરસાદ નોંધવામાં આવ્યો છે.

English summary
Rain started in Ahmedabad, rain forecast in Saurashtra and North Gujarat
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X