ગુજરાતઃ ડમ્પરે ત્રણ મહિલાઓને કચડી, ગુસ્સે થયેલી ભીડે પૂજારીને પકડીને માર્યો

ગુજરાતમાં ભરૂચ જિલ્લાના ગુમાનદેવ ગામ પાસે એક ઝડપથી આવી ડમ્પરે 3 મહિલાઓને કચડી દીધી. ઘટના સ્થળે ત્રણે મહિલાઓના મોત થઈ ગયા જ્યારે પાસે ઉભેલ એક યુવક ગંભીર રીતે ઘાયલ થઈ ગયો. આ ઘટના બાદ ગામના લોકોની ભીડ એકઠી થઈ ગઈ. અમુક લોકોએ ડમ્પરની ઓળખ માટે ત્યાં બાજુમાં સ્થિત ગુમાનદેવ હનુમાન મંદિરમાં લાગેલા સીસીટીવી ફૂટેજની તપાસ કરવા માંગી. જ્યારે તેમને ખબર પડી કે સીસીટીવી કેમેરા બંધ છે તો તેમનો ગુસ્સો મંદિરના પૂજારી પર તૂટી પડ્યો. લોકોએ ત્યાં જ પૂજારીને પકડી લીધો. ત્યારબાદ તેને જોરદાર માર્યો. સૂચના મળતા પહોંચેલી પોલિસે પૂજારીને ભીડની ચુંગાલમાંથી છોડાવ્યો.

સ્થાનિક લોકોએ જણાવ્યુ કે ત્રણ મહિલાઓને કચડ્યા બાદ ડમ્પર ત્યાંથી જતુ રહ્યુ. આ ઘટના હિટ એન્ડ રનની છે. મૃતકોન ઓળખ ઉચેડિયા ગામની બોરોસિલ કંપનીમાં કામ કરતી મહિલાઓ તરીકે થઈ છે. તે ત્રણે અને એક યુવક ગુમાનદેવ હનુમાન મંદિર પાસે કોઈ વાહનની રાહ જોઈ રહ્યા હતા. આ દરમિયાન ઝડપથી આવતા ડમ્પરે ચારેને ચપેટમાં લઈ લીધા. દૂર્ઘટના બાદ ગુસ્સે ભરાયેલા સ્થાનિક લોકોએ હાઈવે પર ચક્કાજામ કરી દીધુ. થોડી વાર પછી પોલિસની વેન આવી. પોલિસના અધિકારીઓએ લોકોને સમજાવીને હાઈને ખાલી કરાવ્યો. ગામના એક વ્યક્તિએ કહ્યુ કે તે ઘણા સમયથી માંગ કરી રહ્યા છે કે ગામ પાસે સ્પીડ બ્રેકર બનાવો પરંતુ કોઈ અધિકારી સાંભળતા નથી. ગામની સીમા હોવાના કારણે અહીં ઘણી વાર અકસ્માત થઈ ચૂક્યા છે.

આ તરફ કચ્છ જિલ્લામાં 2 અલગ અલગ સ્થળોએ ટ્રેલરની ટક્કરથી બે મહિલાઓના મોત થઈ ગયા. એક દૂર્ઘટના ભચાઉ તાલુકાના શિકારપુર-નલિયા રાજમાર્ગ પર શિકારપુર ગામ પાસે ફોરેસ્ટ ચેક પોસ્ટ પાસે રસ્તા પર થઈ. જ્યાં ખાડા ભરવાના કામમાં લાગેલી શ્રમિક મહિલા ફિરોજાબાનુ ઉમરદીન સમાને ટ્રેલરે કચડી દીધી. દૂર્ઘટના બાદ ટ્રેલર ચાલક ઘટના સ્થળેથી ફરાર થઈ ગયો. બીજી ઘટનામાં મુંદ્રામાં બંદર માર્ગ પર ટ્રેલરની ટક્કરથી સુખિયાદેવી રણજીતદાસનુ મોત થયુ. દૂર્ઘટના બાદ ટ્રેલર ચાલક ઘટના સ્થળેથી ભાગી ગયો. ત્યાં એકઠી થયેલા લોકોએ ટ્રેલરના ક્લીનરને પકડીને પોલિસના હવાલે કરી દીધો.