આપ ધારાસભ્ય ઉમેશ મકવાણાએ પોતાની સામે કરી ACB તપાસની માંગ, CMને લખ્યો પત્ર

ગુજરાત આમ આદમી પાર્ટીના ધારાસભ્ય ઉમેશ મકવાણાએ મુખ્યમંત્રી ભૂપેન્દ્ર પટેલને પત્ર લખ્યો છે. જેમાં તેમણે પોતની સામે એન્ટી કરપ્શન બ્યુરો પાસે સંપતિની તપાસ કરાવી આવકનું વિવરણ સરકારી વેબસાઇટ પર સાર્વજનિક કરવાની માંગ કરી છે.

આપ ધારાસભ્યએ રાજ્ય સરકારના મંત્રીઓ, સાંસદો, ધારાસભ્યો, IAS અને IPS અધિકારીઓની સંપત્તિની તપાસ કરવાની અને તેમની માહિતી જાહેર કરવાની પણ માંગ કરી છે.

મુખ્યમંત્રીને લખેલા પત્રમાં શું લખ્યું? - ગુજરાતના બોટાદના આમ આદમી પાર્ટીના ધારાસભ્ય ઉમેશ મકવાણાએ મુખ્યમંત્રીને લખેલા પત્રમાં જણાવ્યું છે કે, તેમનો ધારાસભ્ય તરીકેનો એક વર્ષનો કાર્યકાળ પૂર્ણ થયો છે, તેથી તેમની સંપત્તિની ACB દ્વારા તપાસ કરવામાં આવે અને તેની માહિતી સરકારી વેબસાઇટ પર જાહેર કરવામાં આવે.

આપ ધારાસભ્ય ઉમેશ મકવાણાએ જણાવ્યું છે કે, રાજ્ય સરકારના મંત્રીઓ, રાજ્યના સાંસદો, ધારાસભ્યો, IAS અને IPS અધિકારીઓની સંપત્તિની પણ તપાસ કરવામાં આવે અને તેની માહિતી વેબસાઇટ દ્વારા જાહેર કરવામાં આવે, જેથી કરીને રાજ્યના લોકોને તેની માહિતી મળી શકે. ઉમેશ મકવાણા પ્રથમ વખત ધારાસભ્ય તરીકે ચૂંટાયા છે, 2022માં યોજાયેલી વિધાનસભા ચૂંટણીમાં AAPના 5 ધારાસભ્યો ચૂંટાયા હતા.

English summary

AAP MLA Umesh Makwana demands ACB probe against him, writes letter to Gujarat CM Bhupendra Patel