અમદાવાદના રસ્તા બન્યા નદીઓ, વરસાદે કર્યું ત્રાહિમામ!
અમદાવાદમાં ભારે વરસાદ, ઠેર ઠેર ભરાયા પાણી.બીઆરટીએસના રૂટ પણ થયા પાણીમાં ગરકાવ. ગત રાતથી પડી રહ્યો છે અવિરત વરસાદ
અમદાવાદમાં ગત મોડી રાતની અવરત વરસાદ વરસી રહ્યો છે. શહેરમાં 5 થી 6 કલાકમાં જ 7 ઇંચ જેટલો વરસાદ બનતા રસ્તાઓ દેખાવાના બંધ થઇ ગયા છે અને જ્યાં જુઓ ત્યાં રસ્તાની જગ્યાએ પાણીની નાની નદીઓ દેખવા મળી રહી છે. પૂર્વ અને દક્ષિણ અમદાવાદ ભારે વરસાદના કારણે સૌથી વધુ ક્ષતિગ્રસ્ત થયા છે.
અને રન વે પર પણ પાણી ભરતા ટ્રાફિકની ગંભીર સમસ્યા ઊભી થઇ છે. વધુમાં ઠેર ઠેર પડવા ખાડાએ લોકોની મુશ્કેલી વધારી છે. ઉલ્લેખનીય છે કે ગત ચાર દિવસથી ગુજરાતની મોટા ભાગની શાળા અને કોલેજ બંધ છે પણ તેમ છતાં નોકરીયાત વર્ગે ઓફિસ પહોંચવા માટે ભારે મુશ્કેલીનો સામનો કરવાો પડી રહ્યો છે. અનેક વિસ્તારોમાં કેડ સુધી પાણી ભરાયા છે.
વધુમાં વાસણા બેરેજના 25 દરવાજા ખોલવામાં આવ્યા છે. અને મોટા ભાગના અંડરબ્રીજ પાણીમાં ગરકાવ થતા તેમને બંધ કરવામાં આવ્યા છે. વધુમાં હવામાન ખાતાએ આગાહી કરી છે આગામી 24 કલાકમાં હજી પણ વધુ ભારે વરસાદ થશે. ત્યારે આટલું બધું પાણી ઠેર ઠેર જોઇને લોકોની ચિંતા વધી છે. સાથે જ માખી અને મચ્છરોનું દૂષણ પણ વધ્યું છે. અને ઠેર ઠેર ગંદકી જોવા મળી રહી છે.