રેશ્મા પટેલ : હાર્દિક પટેલ કોંગ્રેસની બી ટીમ છે, કાલે જોડાઇ જાય તોય નવાઇ નહીં
કોંગ્રેસ અને પાસ વચ્ચે અનામત મામલે થયેલી બેઠક બાદ રેશ્મા પટેલે હાર્દિક પટેલ પર કર્યા આ પ્રહારો વાંચો વિગતવાર અહીં.
કોંગ્રેસના વરિષ્ઠ નેતા કપિલ સિબ્બલ અને પાસ નેતા દિનેશ બાંભણિયા દ્વારા અમદાવાદમાં બુધવારે મોડી રાતે પાટીદારોને અનામત આપવા મામલે થયેલી બેઠક પછી રેશ્મા પટેલે ટ્વિટ કરીને હાર્દિક પટેલ પર આક્ષેપો કર્યા છે. પૂર્વ પાસ નેતા અને હાલમાં ભાજપમાં જોડાયેલ રેશ્મા પટેલે જણાવ્યું હતું કે હાર્દિક પટેલ કોંગેસની બી ટીમ હતો જ આજે ફિક્સ થયેલી મિટિંગમાં તે સાબિત પણ થઈ ગયું છે. વધુમાં તેમણે કહ્યું કે આગામી દિવસોમાં પાસ કોંગ્રેસને ટેકો જાહેર કરે તો નવાઈ નહિ. કારણ કે આ બધુ પહેલાથી પ્લાન હતું.
વધુમાં તેણે મોડી રાતે ટ્વિટ કરીને પણ કહ્યું કે અડધી રાતે કોંગ્રેસના એજન્ટો અને કોંગ્રેસ વચ્ચે પાટીદાર અનામતની માંગો નહીં પણ ટિકિટ ફિક્સીંગની બેઠક ચાલી હતી. અને પાસની કોંગ્રેસમાં નાટકીય એન્ટ્રી કરીને આ દ્વારા સમાજને ગેરમાર્ગે દોરવામાં આવી રહ્યો છે. ઉલ્લેખનીય છે કે તાજ હોટલમાં વિવાદ પછી આજ દિવસ સુધી હાર્દિક પટેલ અને રાહુલ ગાંધી સામ સામે મળ્યા નથી. બન્ને પક્ષે જ્યારે પણ બેઠકો થાય છે ત્યારે બંને પક્ષે ખાલી નેતાઓ જ જોવા મળે છે. આ વાત પણ નોંધવા જેવી છે.
आधी रात को कोंग्रेस एजेन्टो ओर कोंग्रेस के बीच टीकीट फिक्सींग की बेठक चल रही हे ।
— Reshma Patel (@reshmapatel__) November 8, 2017
यह समाज को गुमराह कर के पास की कोंग्रेस मे एन्ट्री का नाटकीय स्वरुप हे ।@BJP4India