Ockhiનું વિકરાળ સ્વરૂપ, આગલા 24 કલાક ગુજરાત પર ભારે
દક્ષિણ ભારતના તટીય વિસ્તારોમાં ઉત્પાદ સર્જ્યા બાદ સાઇક્લોન ઓખી ગુજરાત તરફ વધી રહ્યું છે. 5 ડિસેમ્બરે મધ્ય રાત્રિ દરમિયાન સાઇક્લોન ઓખી સુરતના સમુદ્ર તટને ડીપ ડિપ્રેશન તરીકે પાર કરશે. આ અંગે વધુ વાંચો
દક્ષિણ ભારતના તટીય વિસ્તારોમાં ઉત્પાદ સર્જ્યા બાદ સાઇક્લોન ઓખી ગુજરાત તરફ વધી રહ્યું છે. અનુમાન અનુસાર, 5 ડિસેમ્બરે મધ્ય રાત્રિ દરમિયાન સાઇક્લોન ઓખી સુરતના સમુદ્ર તટને ડીપ ડિપ્રેશન તરીકે પાર કરશે. આ આશંકા હેઠળ હવામાન વિભાગ દ્વારા દક્ષિણ ગુજરાત અને ઉત્તર મહારાષ્ટ્રના તટીય વિસ્તારોને અગાઉથી જ ચેતવણી આપવામાં આવી છે. આ વિસ્તારોમાં માછીમારોને સમુદ્રમાં ન જવાની સલાહ આપવામાં આવી છે. ઓખીને અતિ ભીષણ સમુદ્રી ચક્રવાતની શ્રેણીમાં રાખવામાં આવ્યું છે. હવામાન વિભાગ અનુસાર, જ્યારે આ વાવાઝોડું સુરત પાસે પહોંચશે, ત્યાં સુધીમાં તેનું બળ ઓછું પડી જશે અને ડીપ ડિપ્રેશન રહી જશે. આ સમયે પવનની ઝડપ 50 કિમી પ્રતિ કલાકથી 70 કિમી સુધીની રહેશે, પરંતુ આવા વાતાવરણમાં કાચા ઘરોને નુકસાન પહોંચી શકે છે.
આ સાથે જ હવામાન વિભાગે સૌરાષ્ટ્ર અને દ.ગુજરાતના તમામ વિસ્તારોમાં 5 ડિસેમ્બરના રોજ ભારે વરસાદની આગાહી જાહેર કરી છે. આ સિવાય ઉત્તર ગુજરાતમાં 6 ડિસેમ્બરે ભારે વરસાદની સંભાવના વ્યક્ત કરવામાં આવી છે. વાવાઝોડાના કેન્દ્રને ધ્યાનમાં રાખતા ઉત્તર મહારાષ્ટ્ર અને દક્ષિણ ગુજરાતના સમુદ્ર તટીય વિસ્તારોમાં 4 ડિસેમ્બરની રાતથી લઇને 6 ડિસેમ્બરે સવાર સુધી પવનની ઝડપ 50 કિમી પ્રતિ કલાકથી 70 કિમી પ્રતિ કલાકની રહેશે. આ વિસ્તારોમાં સમુદ્રમાં ઊંચા-ઊંચા મોજાઓ ઉઠશે, આથી લોકોને સમુદ્ર તટથી દૂર રહેવાની સલાહ આપવામાં આવી છે.