કચ્છમાં 4.3ની તીવ્રતાનો ભૂકંપ, કેન્દ્રબિંદુ ખાવડાથી 26 કિલોમીટર દૂર
ગુજરાતના કચ્છમાં આજે સવારે 9.46 વાગ્યાની આસપાસ 4.3ની તીવ્રતાનો ભૂકંપ આવ્યો.
કચ્છઃ ગુજરાતના કચ્છમાં આજે સવારે 9.46 વાગ્યાની આસપાસ 4.3ની તીવ્રતાનો ભૂકંપ આવ્યો. ભૂકંપનુ કેન્દ્રબિંદુ ખાવડાથી 26 કિલોમીટર દૂર હતુ. ભૂકંપની તીવ્રતા કચ્છ અને ભૂજમાં અનુભવાઈ હતી. જો કે હજુ સુધી કોઈ જાનહાનિના સમાચાર નથી. ભૂકંપનુ કેન્દ્રબિંદુ ખાવડામાં હોવાના કારણે આની અસર સૌરાષ્ટ્ર અને ઉત્તર ગુજરાતના કેટલાક વિસ્તારોમાં પણ થઈ હતી. રાતે 2 વાગે ભચાઉમાં પણ 2.2ની તીવ્રતાનો ભૂકંપનો આંચકો અનુભવાયો હતો. તેનુ કેન્દ્રબિંદુ ભચાઈથી 12 કિલોમીટર દૂર નોંધાયુ હતુ.
ઉલ્લેખનીય છે કે દક્ષિણ ગુજરાતમાં નવેમ્બર મહિનામાં પણ 4.3ની તીવ્રતાનો ભૂકંપના આંચકો અનુભવાયો હતો. જેનુ કેન્દ્રબિંદુ ભરૂચથી 36 કિમી દૂર હતુ. સુરત અને ભરૂચ સાથે ખેડા, ડાકોર, ઠાસરા, હાલોલ, માંગરોળ, માંડવી, બારડોલી, ઉમરપાડા, ઓલપાડ સહિત કેટલાક સ્થળોએ પણ ભૂકંપના આંચકા અનુભવાયા.
ભારતમાં વધ્યુ કોરોનાના નવા સ્ટ્રેનનુ જોખમ, કુલ કેસ થયા 20