• search
For Quick Alerts
ALLOW NOTIFICATIONS  
For Daily Alerts

નકલી પોલીસે આંગડિયા પેઢીના રૂપિયા 12.50લાખ સેરવી લીધા

By Oneindia Staff Writer
|

ચૂંટણી પહેલા પોલીસે રોકડ અને દારૂની હેરફેર પર કાબુ મેળવવા માટે રાઉન્ડ ધ ક્લોક વાહન ચેકિંગ શરૂ કર્યું છે અને રોકડ તેમજ દારૂનો જથ્થો પણ જપ્ત કર્યો છે. પણ, નકલી પોલીસે પણ ચૂંટણીમાં વાહન ચેકિંગ કરવાના બહાને લોકોના નાણાંની ઉઠાંતરી કરવાનું શરૂ કર્યું છે. અમદાવાદના સી જી રોડ પર ગઇકાલે નકલી પોલીસે બે આંગડીયા પેઢીના કર્મચારીઓને રોકીને સામાન ચેંકિગ કરવાના બહાને રૂપિયા 12.50 લાખની રોકડ અને એક પાર્સલની ઉઠાંતરી કર્યાની ફરિયાદ નોંધવામાં આવી છે.

Ahemdabad

આ બનાવની વિગતો એવી છે કે અમદાવાદના રાણીપમાં રહેતા નિકુંજ પારેખ સી જી રોડ સ્વસ્તિક ચાર રસ્તા પાસે આવેલા પીયુરાજ કોમ્પ્લેક્ષમાં એચ પ્રવિણકુમાર નામની આંગડીયા પેઢી ધરાવે છે. ગઇકાલે સાંજના સમયે તેમના સ્ટાફના મનીષ પુજારા અને ગુમાનસિંહ રાજપૂત સીજી રોડ પર આવેલા ઇસ્કોન આર્કેડમાં પાર્સલ લેવા માટે ગયા હતા અને પરત આવી રહ્યા હતા ત્યારે ત્રણ અજાણ્યા લોકોએ તેમને રોકીને પોલીસ તરીકે ઓળખ આપીને તેમનો સામાન ચેક કરવા માંગ્યો હતો. બાદમાં પરત આપી દીધો હતો. પણ ઓફિસ પર આવ્યા ત્યારે ખબર પડી હતી એક પાર્સલ ગુમ હતું જે ઇસ્કોન આર્કેડમાંથી લીધું હતું. જેથી મનીષે તાત્કાલિક નિકુંજભાઇને ઓફીસે બોલાવ્યા હતા અને નકલી પોલીસે આ પાર્સલની ચોરી કર્યાની શંકાને આધારે નિકુંજભાઇ તેમજ તેમનો સ્ટાફ સી જી રોડ પર તપાસ કરવા ગયા હતા ત્યારે ઇસ્કોન આર્કેડ પહોચ્યા ત્યારે ખબર પડી હતી કે નકલી પોલીસે ત્યાં આવેલી એન કે આંગડીયા પેઢીના સ્ટાફને રોકીને બેગ તપાસવાના બહાને રૂપિયા 12.50લાખની રોકડની ઉઠાંતરી કરી હતી. આમ. આ અંગે નવરંગપુરા પોલીસે ગુનો નોંધીને તપાસ શરૂ કરી છે.

English summary
fake police steal 12 50 lakh in ahmedabad
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more