• search
For Quick Alerts
ALLOW NOTIFICATIONS  
For Daily Alerts

શાહરૂખ ખાને કરી CM વિજય રૂપાણી સાથે શુભેચ્છા મુલાકાત

By Oneindia
|

બોલિવૂડના બાદશાહ શાહરૂખ ખાન પોતાની આગામી ફિલ્મ 'જબ હેરી મેટ સેજલ'ના પ્રમોશન માટે ગુજરાત આવેલ છે, જેમાં તેમણે અમદાવાદ અને ગાંધીનગરની મુલાકાત લીધી હતી. શાહરૂખ ખાન બુધવારે પોતાની ફિલ્મનું પ્રથમ સોંગ લોન્ચ કરવા માટે અમદાવાદ આવ્યા હતા. ત્યાર બાદ શાહરૂખ ખાન અને ફિલ્મ નિર્દેશક ઈમ્તિયાઝ અલીએ ગુરૂવારે ગુજરાતના મુખ્યમંત્રી વિજય રૂપાણી સાથે મુલાકાત કરી હતી.

શાહરૂખ ખાન અને ઇમ્તિયાઝ અલીએ ગાંધીનગરમાં સીએમ બંગલો ખાતે વિજય રૂપાણી સાથે શુભેચ્છા મુલાકાત કરી હતી. શાહરૂખ ખાનની ફિલ્મ 'જબ હેરી મેટ સેજલ' 4 ઓગસ્ટના રોજ રિલિઝ થઇ રહી છે. તા.21 જૂનને બુધવારના રોજ શાહરૂખ ખાન અને ઇમ્તિયાઝ અલી અમદાવાદ આવ્યા હતી.

આ સોંગ લોન્ચ પહેલાં શાહરૂખ ખાન દ્વારા એક કોન્ટેસ્ટ યોજવામાં આવ્યો હતો. આ કોન્ટેસ્ટ હેઠળ જે શહેરની સૌથી વધુ સેજલ નામની યુવતીઓ શાહરૂખને તેમના શહેરમાં બોલાવે, એ શહેરમાં શાહરૂખ પહોંચશે એવી વાત નક્કી થઇ હતી. આ કોન્ટેસ્ટમાં અમદાવાદ વિજેતા સાબિત થયું હતું. અમદાવાદની 7000 સેજલે શાહરૂખ ખાનને તેડું મોકલ્યું હતું. આથી શાહરૂખ બુધવારે અમદાવાદ પહોંચ્યા હતા અહીં સેજલો સાથે મળીને તેમણે ફિલ્મનું પ્રથમ સોંગ 'રાધા' લોન્ચ કર્યું હતું. આ ફિલ્મમાં શાહરૂખ ખાનની હિરોઇન છે અનુષ્કા શર્મા અને તે 'સેજલ' નામની ગુજરાતી યુવતીનું પાત્ર ભજવી રહી છે. જો કે, સોંગ લોન્ચ ઇવેન્ટમાં અનુષ્કા શર્મા હાજર નહોતી રહી.

English summary
Gandhinagar: Shah Rukh Khan and director Imtiaz Ali met CM Vijay Rupani at Gandhinagar.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X