• search
For Quick Alerts
ALLOW NOTIFICATIONS  
For Daily Alerts

ગુજરાતઃ રાજ્યના 5 જિલ્લામાં બનશે 8 નવી ઓદ્યોગિક વસાહત, થશે 'મૉડલ એસ્ટેટ'નુ નિર્માણ

|

ગાંધીનગરઃ રાજ્ય સરકારે શુક્રવારે ગુજરાત ઓદ્યોગિક વિકાસ નિગમ(GIDC)હેઠળ 5 જિલ્લાઓમાં મલ્ટી સ્ટોરેટ શેડ સાથે આઠ નવા ઔદ્યોગિક એસ્ટેટ સ્થાપિત કરવાની ઘોષણા કરી. સીએમ રૂપાણીએ ગાંધીનગરથી વીડિયો કૉન્ફરન્સિંગના માધ્યમથી પાટણના ચારુપ ખાતે GIDCના 264 પ્લોટની કૉમ્પ્યુટરાઈઝ્ડ ડ્રો થકી ફાળવણી કરી. સીએમ રૂપાણીએ જણાવ્યુ કે રાજ્યના 5 જિલ્લામાં 987 હેક્ટરમાં નવી ઔદ્યોગિક વસાહતો સ્થાપિત કરવામાં આવશે.

આ 8 વસાહતોમાં મોરબી ખાતે આશરે 500 હેસ્ટર વિસ્તારમાં બનનાર નવી વસાહતમાં તમામ અદ્યતન માળખાગત તેમજ આનુસાંગિક સુવિધાઓથી સજજ એક મૉડલ એસ્ટેટ બનશે. આ નવી વસાહતોથી MSME સેક્ટરને 500થી 2 હજાર ચોરસ મીટરના 2570 પ્લોટ અને મોટા ઉદ્યોગને 10 હજારથી 50 હજાર ચોરસ મીટરના 337 પ્લોટ ઉપલબ્ધ થશે.

આ નવી GIDCવસાહતોથી જલોત્રા-બનાસકાંઠાનો માર્બલ કટીંગ-પોલીશીંગ ઉદ્યોગ, શેખપાટ-જામનગરનો બ્રાસ ઉદ્યોગ, મોરબીના સિરામિક ઉદ્યોગ, કડજોગરા-ગાંધીનગરનો ફૂડ-એગ્રો ઉદ્યોગ, પાટણનો ઑટો એંસિલરી ઉદ્યોગ, નાગલપર-રાજકોટને મેડિકલ ડિવાઈસ ઉદ્યોગ તથા આણંદ અને મહીસાગર ઈજનેરી ઉદ્યોગોને લાભ મળશે. નવી જીઆઈડીસી વસાહતોથી રૂ.1223 કરોડનુ મૂડી રોકાણ અને 20 હજાર નવી રોજગારીના આ નવીન પ્રકલ્પો ભવિષ્યમાં પૂરી પાડવામાં આવશે.

આ પ્રસંગે સીએમ રૂપાણીએ જણાવ્યુ કે સરકારે એમએસએમઈને વેગ મળે એ હેતુથી રાજ્યની વર્તમાન 9 ઔદ્યોગિક વસાહતોમાં મલ્ટી શેડ્સ બનાવવાનો નિર્ણય કર્યો છે. રાજ્યના પાંચ જિલ્લા વલસાડ, સુરત, ભરુચ, વડોદરા અને અમદાવાદમાં 360 નવા બહુમાણી શેડ નિર્માણ પામશે. જેથી લગભગ 100 કરોડ રુપિયાનુ મૂડી રોકાણ અને 1 હજાર નવી રોજગારી સંભવ બનશે. તેમણે વધુમાં ઉમેર્યુ કે દહેજ, સાયખા, અંકલેશ્વર, હાલોલ, સાણંદ, વાપી અને લોધિકાની વર્તમાન વસાહતોને પણ તમામ મૂળભૂત અને હાઈટેક સુવિધાઓ સાથે વિકસાવી મૉડલ એસ્ટેટ બનાવવાનુ આયોજન છે. ગુજરાત રાજ્યની સ્થાપના વખતે રાજ્યમાં માત્ર 6 હજાર MSME યુનિટ હતા. છેલ્લા બે દાયકા બાદ આજે રાજ્યમાં 35 લાખ એમએસએમઈ યુનિટ કાર્યરત છે.

ગુજરાત સરકાર અને APSEZ વચ્ચે એમઓયુ પર થયા હસ્તાક્ષર

English summary
Gujarat: 8 new industrial estates to be set up in 5 districts of the state, 'model estate' to be constructed.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X