શાંતિપૂર્ણ મતદાન પૂર્ણ, અમરાઈવાડીમાં સૌથી ઓછું 27.5% મતદાન થયું

ગુજરાતની કુલ 6 વિધાનસભા સીટ પર આજે પેટા ચૂંટણી થવા જઈ રહી છે. જુલાઈમાં યોજાયેલ રાજ્યસભા ચૂંટણીમાં ક્રોસ વોટિંગ કરી કોંગ્રેસમાંથી રાજીનામું આપનાર બળવાખોર નેતા અલ્પેશ ઠાકોર ભાજપની ટિકિટ પરથી રાધનપુર સીટ પરથી લડી રહ્યા છે, જ્યારે બીજો બળવાખોર નેતા ધવલસિંહ ઝાલા બાયડ સીટ પરથી ચૂંટણી લડી રહ્યા છે. ભાજપે તમામ 6 સીટ પર વાગતે ગાજતે કેમ્પેન કર્યું હતું. થરાદમાં ભાજપના જીવરાજપટેલ સામે કોંગ્રેસના ગુલાબ સિંહ, અમરાઈવાડીમાં ભાજપના જગીશ પટેલ સામે કોંગ્રેસના ધર્મેન્દ્ર પટેલ, રાધનપુરમાં ભાજપના અલ્પેશ ઠાકોર સામે કોંગ્રેસના રઘુ દેસાઈ, લુણાવાડામાં ભાજપના જીજ્ઞેશ સેવક સામે કોંગ્રેસના ગુલાબસિંહ ચૌહાણ, ખેરાલીમાં ભાજપના અજમલ ઠાકોર સામે કોંગ્રેસના બાબુજી ઠાકોર, બાયડમાં ભાજપના ધવલસિંહ ઝાલા સામે કોંગ્રેસના જશુભાઈ પટેલ ચૂંટણી મેદાનમાં છે.. આ પેટા ચૂંટણીમાં અમિત ચાવડાએ કોંગ્રેસ જીતતી હોવાનો દાવો કર્યો છે. જો કે સંપૂર્ણ ચિત્ર 24મી ઓક્ટોબરે સ્પષ્ટ થઈ જશે. ગુજરાત વિધાનસભાની પેટા ચૂંટણીની પળેપળની અપડેટ અહીં મેળવો.