• search
For Quick Alerts
ALLOW NOTIFICATIONS  
For Daily Alerts

ગુજરાત કોંગ્રેસના વધુ એક ધારાસભ્યની વિકેટ ખડી, જવાહર ચાવડા સંભાળશે ભાજપનું મંત્રીપદ

|

અમદાવાદઃ લોકસભા ચૂંટણી પહેલા પહેલા કોંગ્રેસની મુશ્કેલીઓમાં વધારો થતો જણાઈ રહ્યો છે. ગુજરાત વિધાનસભામાંથી કોંગ્રેસની વધુ એક સીટ ખાલી થઈ છે. કોંગ્રેસના ધારાસભ્ય જવાહર ચાવડાએ શુક્રવારે વિધાનસભા અધ્યક્ષ રાજેન્દ્ર ત્રિવેદીને પોતાનું રાજીનામું સોંપી દીધું છે. જે બાદ તેઓ ગાંધીનગરથી ભાજપમાં સામેલ થઈ ગયા છે. ઉલ્લેખનીય છે કે જવાહર ચાવડા 2017માં ગુજરાત વિધાનસભાની ચૂંટણી માણાવદરથી જીત્યા હતા.

javahar chavda

અલ્પેશ પણ છોડી શકે કોંગ્રેસનો સાથ?

લોકસભા ચૂંટણી પહેલા ભાજપ ગુજરાતમાં કોંગ્રેસને તગડો ફટકો આપવાની તૈયારીમાં છે. ચર્ચા છે કે ઉત્તર ગુજરાતના ઓબીસી નેતા અલ્પેશ ઠાકોર સહિત છ કોંગ્રેસી ધારાસભ્યો પણ કેસરીયો ખેંસ અપનાવી શકે છે. સૌરાષ્ટ્રના ઓબીસી નેતા કુંવરજીભાઈ બાવળિયાની જેમ જ અલ્પેશને પણ રાજ્ય મંત્રિમંડળમાં સામેલ કરવામાં આવવાની અટકળો તેજ થઈ ગઈ હતી. જો કે આ માત્ર લોકસભા ચૂંટણી માટે અલ્પેશનું કોંગ્રેસ પર દબાણ વધારવાનો પ્રયાસ હોવાનું પણ ચર્ચાઈ રહ્યું છે. પીએમ મોદીની હાલમાં જ ગુજરાત યાત્રા બાદ ભાજપે મિશન 26 પર કામ શરૂ કરી દીધું છે.

ભાજપના રાષ્ટ્રીય અધ્યક્ષ અમિત શાહ અને લોકસભા ચૂંટણી પ્રભારી ઓમ માથુર સહિતના નેતાઓ પાર્ટીને મજબૂતી આપવામાં લાગી ગયા છે. બે દશકા બાદ ગત વિધાનસભા ચૂંટણીમાં કોંગ્રેસના 76 ધારાસભ્યો જીત્યા હતા. જેમાંથી બે ભાજપમાં સામેલ થઈ ચૂક્યા છે, જ્યારે એકને ગેરકાયદેસર ખનનના આરોપસર કોર્ટે ગુનેગાર માનતાં સસ્પેન્ડ કરી દેવામાં આવ્યા છે. સૂત્રો મુજબ ભાજપની કોશિશ છે કે 1961 પછી પહેલીવાર ગુજરાતમાં 12 માર્ચે થનાર કોંગ્રેસ કાર્યસમિતિની બેઠક પહેલા જ તેને મોટો ફટકો આપવામાં આવે. ગુજરાતમાં ઉત્તર ભારતીયો વિરુદ્ધ આંદોલન ચલાવનાર અલ્પેશ ઠાકોર કોંગ્રેસ આલાકમાનની નજરોથી ઉતરી ગયા છે. એવામાં અલ્પેશ ઉપરાંત તેના સમર્થક ધારાસભ્ય ચંદન સિંહ ઠાકોર, ધવલ સિંહ ઝાલા, પુરુષોત્તમ સાબરિયા અને સોમા પટેલ સહિતના નેતા ભાજપના સંપર્કમાં હોવાની ચર્ચા છે.

સૂત્રો મુજબ મુખ્યમંત્રી વિજય રૂપાણી જલદી જ મંત્રિમંડળનું વિસ્તરણ કરી શકે છે. નવા મંત્રીઓમાં ઉંઝાના પૂર્વ ધારાસભ્ય ડૉ. આશાબેન પટેલ અને જવાહર ચાવડાના નામની ચર્ચા છે. ગાંધીનગર સચિવાલયના સ્વર્ણિમ સંકુલમાં બે નવા ચેમ્બરની સાફ સફાઈ કરાવી હોવાની પણ ચર્ચાએ જોર પકડ્યું છે. બીજી બાજુ હાર્દિક પટેલ 12મી માર્ચે કોંગ્રેસનો પંજો થામશે. 12 માર્ચે કોંગ્રેસ કાર્યસમિતિની બેઠક બાદ ભાજપના શીર્ષ ેતૃત્વની હાજરીમાં તેઓ કોંગ્રેસમાં સામેલ થઈ શકે છે.

રાહુલ ગાંધીની હાજરીમાં 12મી માર્ચે હાર્દિક પટેલ કોંગ્રેસમાં જોડાશે

English summary
Gujarat: Congress MLA Jawahar Chavda tenders his resignation to Speaker Assembly Rajendra Trivedi

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more