રાહુલને ના મળ્યો હાર્દિક પણ NCPના પ્રફુલ્લ પટેલને મળ્યો
હાર્દિક પટેલે કર્યું ટ્વિટ. ટ્વિટ કરીને હાર્દિક પટેલે જણાવ્યું કે તે એનસીપી નેતા પ્રફુલ્લ પટેલને મળ્યા હતા. અને દિવાળીની શુભકામનાઓ શેયર કરી હતી.
પાટીદાર નેતા હાર્દિક પટેલ આ વખતે કોંગેસના ઉપાધ્યક્ષ રાહુલ ગાંધીને તેમની ત્રણ દિવસની મુલાકાત દરમિયાન નથી મળવાનો. આ મામલે બન્ને પક્ષોથી નનૈયા હાલ પૂરતો આવી ચૂક્યો છે. પણ આ તમામની વચ્ચે હાર્દિક પટેલે તેના ટ્વિટર પર એક તસવીર મૂકી છે અને જણાવ્યું છે કે તે એનસીપી નેતા પ્રફૂલ્લ પટેલને મળ્યા હતા. દિવાળીની શુભકામના આપવા માટે બન્નેએ મુલાકાત કરી હતી તેવી સ્પષ્ટતા પણ હાર્દિકે તેના ટ્વિટમાં આપી હતી. આ જેવો જઇએ તો હાર્દિક રાહુલ ગાંધીને ના મળીને પ્રફૂલ્લ પટેલને મળવા સમય નીકાળ્યો છે.
NCP Leader @praful_patel met me today for wishing Diwali greetings. It was a nice meeting. pic.twitter.com/PDzkO3tWND
— Hardik Patel (@HardikPatel_) November 1, 2017
ઉલ્લેખનીય છે કે હાર્દિક પટેલ ગુજરાત વિધાનસભાની ચૂંટણીમાં હાલ હુકમનો એક્કો બની ચૂક્યો છે. અને તેને દરેક પાર્ટીનો નેતા મળવા માંગે છે. અને પોતાની તરફ ખેંચવા પણ માંગે છે. ત્યારે દિવાળીની શુભકામનાઓના જ નામે કોંગ્રેસની વર્ષો સુધી રહેલી ડાબી પાંખ સમાન એનસીપીના વરિષ્ઠ નેતા પ્રફુલ્લ પટેલ અને હાર્દિક પટેલ હાલ એકબીજાને મળ્યા હતા. ત્યારે આ મુલાકાત પછી વળી પાછું હાર્દિક અને પાટીદારોને લઇને ગુજરાતનું રાજકારણ ગરમાયું છે.