કેન્દ્ર સરકારમાં ગુજરાત-ગુજરાતીઓનો દબદબો

ગાંધીનગર, 10 નવેમ્બરઃ સ્પષ્ટ બહુમતિથી કેન્દ્રમાં બનેલી ભાજપ સરકારમાં ગુજરાત અને ગુજરાતીઓનો દબદબો વધી રહ્યો છે. દેશના વડાપ્રધાન પદે ગુજરાતી નરેન્દ્ર મોદી છે અને હવે તેમના મંત્રીમંડળના વિસ્તરણમાં વધારો કરવામાં આવ્યા બાદ વધુ બે ગુજરાતી પ્રધાનોનો સમાવેશ થઇ ગયો છે. નોંધનીય છેકે આ પહેલા વડાપ્રધાન નરેન્દ્ર મોદી સહિત કુલ ચાર પ્રધાનો ગુજરાતમાંથી આવ્યા હતા. આ ઉપરાંત ગુજરાતને મળેલા કેન્દ્રના પ્રતિનિધિત્વ પર નજર ફેરવવામાં આવે તો મોદીએ ગુજરાતના ત્રણેય ખૂણાને સાચવી લીધા છે, જેમાં ઉત્તર ગુજરાત,સૌરાષ્ટ્ર અને દક્ષિણ ગુજરાત છે.

નરેન્દ્ર મોદીના મંત્રીમંડળ પર નજર ફેરવવામાં આવે તો મોદી ઉપરાંત રાજ્યકક્ષાના મંત્રીઓ મનસુખ વસાવા, મોહન કુંડારિયા અને હરિભાઇ ચૌધરી મૂળ ગુજરાતી છે. જ્યારે અરૂણ જેટલી અને સ્મૃતિ ઇરાની ગુજરાતનું રાજ્યસભામાં પ્રતિનિધિત્વ કરી રહ્યાં છે. આ પહેલા 2009-2014 દરમિયાન યુપીએ સરકાર હતી, જેમાં દીનશા પટેલ કેબિનેટમાં હતા, જ્યારે ભરત સોલંકીને રાજ્યકક્ષાનો સ્વતંત્ર હવાલો અને તુષાર ચૌધરી રાજ્યકક્ષાના મંત્રી હતા. તેવી જ રીતે મોદી સરકાર પર નજર ફેરવીએ તો મનસુખ વસાવા, મોહન કુંડારિયા અને હરિભાઇ ચૌધરી રાજ્યકક્ષાના અને અરૂણ જેટલી તથા સ્મૃતિ ઇરાની કેબિનેટ કક્ષાના મંત્રી છે.

અત્રે એ વાત પણ નોંધનીય છેકે 2004 પછી કેન્દ્રીય પ્રધાનમંડળમાં સૌરાષ્ટ્રનું પ્રતિનિધિત્વ નહોતું. 2004 બાદ આવું પહેલીવાર બન્યુ છેકે સૌરાષ્ટ્રના મોહન કુંડારિયાને કેન્દ્રીય પ્રધાનમંડળમાં સ્થાન આપવામાં આવ્યું છે. આ પહેલા ડો. વલ્લભ કથિરીયા વાજપેયી સરકારમાં મંત્રી હતા. કેન્દ્રીય મંત્રીમંડળમાં ગુજરાત અને ગુજરાતીઓના દબદબા અંગે નીચે જણાવવામાં આવ્યું છે.

1. નરેન્દ્ર મોદી- વડાપ્રધાન(વડનગર, ગુજરાતના)
2. મનસુખ વાસાવા- લોકસભા(ભરૂચ,દક્ષિણ ગુજરાત)
3. મોહન કુંડારિયા- લોકસભા(રાજકોટ,સૌરાષ્ટ્ર)
4. હરિભાઇ ચૌધરી- લોકસભા(બનાસકાંઠા, ઉત્તર ગુજરાત)
5. અરૂણ જેટલી- ગુજરાતથી રાજ્યસભાના સાંસદ
6. સ્મૃતિ ઇરાની- ગુજરાતથી રાજ્યસભાના સાંસદ

English summary

gujarat and gujarati in central government