• search
For Quick Alerts
ALLOW NOTIFICATIONS  
For Daily Alerts

ગુજરાતના દ્વારકામાં દે ધનાધન 18 ઇંચ, કેશોદમાં 17 ઇંચ વરસાદ

|

અમદાવાદ, 2 ઓગસ્ટ : ગુજરાતમાં હવામાન ખાતાની ચેતવણી અનુસાર શુક્રવારે સૌરાષ્ટ્રમાં અતિભારે વરસાદ નોંધાયો હતો. જેમાં યાત્રાધામ દ્વારકામાં મેઘ રાજાની દે ધનાધન બેટિંગથી 12 જ કલાકમાં 18 ઇંચ વરસાદ નોંધાયો હતો. જ્યારે કેશોદમાં 22 કલાકમાં 17 ઇંચ જેટલો વરસાદ વરસી જતા લોકો ત્રાહિમામ પોકારી ગયા હતા.

વિસાવદરના રતાંગ ગામમાં માત્ર પાંચ કલાકમાં 12 ઇંચ વરસાદ પડ્યો હતો. જૂનાગઢ, જામનગર અને પોરબંદર જિલ્લામાં ભારે વરસાદને પગલે નદીઓમાં ઘોડાપૂર આવ્યા હતા. આ જિલ્લાઓના મોટા ભાગના ચેકડેમ ભરાઈ ગયા છે.

dwarka-rain

કેશોદમાં તો 22 કલાકમાં 17 ઇંચ વરસાદને પગલે ઘેડ પંથકમાં જળબંબાકારની સ્થિતિ સર્જાઈ હતી. અહીંના અનેક ગામો બેટમાં ફેરવાયા હતા. ગુરૂવારનાં રાત્રીનાં 8 વાગ્યાથી શુક્રવારનાં સવારનાં 6 સુધીમાં 13 ઇંચ અને ત્યારબાદ બપોરનાં 4 સુધીમાં વધુ 4 ઇંચ વરસાદ વરસી ગયો હતો.

સાંબેલાધાર વરસાદથી શહેરની ઉતાવળી અને ટિલોરી નદીમાં ઘોડાપુર આવ્યા હતાં. કેશોદ શહેરમાં 40 લોકોને સલામત સ્થળે ખસેડાયાં. આ ઉપરાંત જાગનાથ, મહેશનગર, ચુનાભઠ્ઠી, મેઘના સોસાયટી, રણછોડનગર, ગોપાલનગર સહિ‌તનાં વિસ્તારોમાં ગોઠણડુબ પાણી ભરાવા સાથે લોકોનાં ઘરમાં પાણી ઘુસી ગયા હતાં.

આ ઉપરાંત દક્ષિણ ગુજરાતના વલસાડ જિલ્લામાં પણ મેઘરાજાએ ધૂંઆધાર બેટીંગ કરતા સામાન્ય જીવન ખોરવાઇ ગયું હતું. શુક્રવારે સાંજે 4 વાગ્યે પુરા થતાં 24 કલાકમાં વલસાડમાં 6.28 ઇંચ, પારડીમાં 5.28 ઇંચ, વાપીમાં 4.28 ઇંચ, ધરમપુરમાં 2 ઇંચ વરસાદ નોંધાયો હતો.

જો કે ગુજરાતમાં થરાદ, સાંતલપુર, રાધનપુર અને નખત્રાણામાં હજી પણ ઓછો વરસાદ નોંધાયો છે.

English summary
Gujarat : Heavy rain noted in Dwarka and Keshod of Saurashtra.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more