ગુજરાતમાં 63.31 ટકા મતદાન, જરાકમાં રેકૉર્ડ તુટતાં રહી ગયો!

અમદાવાદ, 1 મે : ગુજરાતમાં લોકસભા ચૂંટણી 2014 માટે ગઈકાલે થયેલ મતદાનના સત્તાવાર ફાઇનલ આંકડા જાહેર થઈ ગયાં છે. તે મુજબ ગુજરાતમાં ગઈકાલે 63.31 ટકા મતદાન નોંધાયું છે કે જે 47 વર્ષ બાદ બીજું ઉંચુ મતદાન બન્યું છે. ગુજરાતમાં 1967માં 63.77 ટકા મતદાન નોંધાયુ હતું કે જે અત્યાર સુધીનો રેકૉર્ડ છે. આ વખતે પણ ગુજરાતે મતદાનમાં ભારે જોમ દાખવ્યો, પરંતુ જરાક માટે આ રેકૉર્ડ તુટતા રહી ગયો.

ગુજરાતના મુખ્ય ચૂંટણી અધિકારી અનીતા કરવલ દ્વારા જારી કરાયેલ આંકડા મુજબ ગુજરાતમાં ગઈકાલે 63.31 ટકા મતદાન થયુ હતું. ગઈકાલે યોજાયેલ મતદાન દરમિયાન 1 કરોડ 41 લાખ 83 હજાર 430 મતદારોએ મતદાન કર્યુ હતું કે જેમાં 2 કરોડ 56 લાખ 89 હજાર 887 લોકોએ પોતાના મતાધિકારનો ઉપયોગ કર્યો હતો કે જેમાં 1 કરોડ 41 લાખ 83 હજાર 430 પુરુષ અને 1 કરોડ 15 લાખ 6 હજાર 457 મહિલા મતદારોનો સમાવેશ થાય છે.

સૌથી વધુ બારડોલીમાં, સૌથી ઓછું પોરબંદરમાં

મતદાનના ફાઇનલ આંકડા ઉપર નજર નાંખીએ, તો ગુજરાતમાં સૌથી વધુ 74.59 ટકા મતદાન બારડોલી બેઠક ઉપર થયુ હતું. મુખ્યમંત્રી નરેન્દ્ર મોદી જે વિસ્તારમાંથી ચૂંટણી લડે છે, તેવા વડોદરામાં મતદાનની ટકાવારી 70.57 રહી હતી. આ ઉપરાંત છોટા ઉદેપુરમાં 71.15, ભરૂચમાં 74.54 અને વલસાડમાં 74.09 ટકા જેટલું ભારે મતદાન થયુ હતું. બીજી બાજુ સૌથી ઓછું 52.31 ટકા મતદાન પોરબંદરમાં થયુ હતું. ઉપરાંત અમરેલીમાં પણ 54.21 ટકા જેટલુ નીચુ મતદાન રહ્યુ હતું.

મતદાનની અધિકૃત ટકાવારી નીચે પ્રમાણે રહી હતી.

English summary

Election Commission announced final figures of voting of Gujarat's 26 Lok Sabha seats. There are 63.31 percent voter tournout in Gujarat.