• search
For Quick Alerts
ALLOW NOTIFICATIONS  
For Daily Alerts

ઉત્તર અને મધ્ય ગુજરાતમાં ભારે વરસાદની આગાહી, ખેડૂતોમાં ખુશીની લાગણી

|
Google Oneindia Gujarati News

અમદાવાદઃ રાજ્યભરમાં વરસી રહેલા વરસાદ દરમિયાન અમદાવાદ ખાતે હવામાન વિભાગે પણ આગામી પાંચ દિવસમાં ભારે વરસાદની આગાહી કરી છે. અમદાવાદ સ્થિત હવામાન વિભાગના ડાયરેક્ટર મનોરમા મોહંતીના જણાવ્યા અનુસાર ઉત્તર ગુજરાત અને મધ્ય ગુજરાતમાં ભારે વરસાદ વરસી શકે છે. જ્યારે અમદાવાદ અને સૌરાષ્ટ્રમાં વરસાદ વરસે તેવી આગાહી કરી છે. રાજ્યમાં અલગ અલગ જગ્યાએ વરસાદ નોંધાતા ખેડૂતોમાં ખુશીનો માહોલ છે.

તમને જણાવી દઈએ કે અરવલ્લી જિલ્લાના ધનસુરામાં દોલપુરકંપા અને દોલપુર ગામમાં આજે સવારથી જ વરસાદ વરસી રહ્યો છે. વરસાદના કારણે ખેતરોમાં અને રસ્તા પર પાણી ભરાઈ ગયા છે. ખેડૂતોએ ખરીફ પાકની વાવણી શરૂ કરી દીધી છે. દોલપુર પંથકમાં અડધા ઈંચથી વધુ વરસાદ નોંધાયો હતો. સમગ્ર રાજ્યમાં ઠેર-ઠેર હળવાથી ભારે વરસાદ વરસી રહ્યો છે. હવામાન ખાતાએ દર્શાવેલ આંકડા મુજબ સૌથી વધુ વરસાદ સુરતના ઉમરપાડામાં 88 મિમી વરસ્યો.

હવામાન ખાતા દ્વારા જણાવ્યા મુજબ છેલ્લા 24 કલાકની વાત કરીએ તો સુરતના ઉમરપાડામાં 88 મિમી અને માંગરોળમાં 78 મિમી, ભરુચમાં અંકલેશ્વરમાં 65 મિમી, હાંસોટમાં 60 મિમી, વાગ્રામાં 32 મિમી, ભરૂચ તાલુકામાં 22 મિમી વરસાદ નોંધાયો છે.મહીસાગરમાં લુણાવાડામાં 51 મિમી, વીરપુરમાં 41 મિમી, સંતરામપુરમાં 22 મિમી વરસાદ નોંધવામાં આવ્યો છે. પાટણમાં ચાણસમામાં 37 મિમી, હારિજમાં 24 મિમી, સિદ્ધપુરમાં 24 મિમી વરસાદ જ્યારે આણંદના તારાપુરમાં 24 મિમી વરસાદ નોંધાયો છે. અમદાવાદના ધોળકામાં 17 મિમી, તાપીના દોલવણમાં 15 મિમી, ખેડામાં મહેમદાવાદમાં 14 મિમી વરસાદ નોંધવામાં આવ્યો હતો.

English summary
Heavy rainfall forecast for North and Central Gujarat, farmers happy
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X