• search

પંચમહાલઃ ઓબીસી મતો કોના પર છલકાવશે વિજયનો કળશ?

આજે દેશના 12 રાજ્યોની 117 બેઠકો પર લોકસભા ચૂંટણી માટે મતદાન થઇ રહ્યું છે તો બીજી તરફ વારાણસીથી ગુજરાતના મુખ્યમંત્રી અને ભારતીય જનતા પાર્ટીના પીએમ પદના ઉમેદવાર નરેન્દ્ર મોદી ઉમેદવારી પત્ર ભરી રહ્યાં છે. દેશભરમાં મોદીની લહેર છે અને તેનો એક નજારો આજે વારાણસીમાં પણ તેમના રોડ શો દરમિયાન ઉમટેલી ભીડને જોઇને થઇ રહ્યો છે. ગુજરાતમાં 30 એપ્રિલના રોજ લોકસભા ચૂંટણી માટે મતદાન થવાનું છે અને એ સમયે પણ મોદીની લહેર જોવા મળશે. જોકે ગુજરાતમાં ઘણી બેઠક એવી છેકે જ્યાં કોઇ એક જ્ઞાતિના મતદાતાઓના હાથમાં જેતે પક્ષને વિજય બનાવવાની ચાવી હોય છે, કે પછી એમ કહી શકીએ કે આ જ્ઞાતિ નક્કી કરી શકે છેકે કોના પણ આ વખતે વિજયનો કળશ ઢોળાશે.

આવી જ એક બેઠક છે પંચમહાલ. પંચમહાલ બેઠક અંગે વાત કરવામાં આવે તો અહી સૌથી વધારે મતદાતાઓ ઓબીસી છે અને ત્યારબાદ પટેલ મતદાતાઓ અહી મોટી માત્રામાં છે. જો ભાજપ, કોંગ્રેસ કે પછી પહેલીવાર લોકસભા ચૂંટણી લડી રહેલી આમ આદમી પાર્ટીના ઉમેદવારે પંચમહાલમાં વિજય હાંસલ કરવો હોય તો ઓબીસી અને પટેલ મતદાતાઓને રિઝવવા પડશે. પરંતુ એટલું ચોક્કસપણે કહી શકાય કે આ બેઠક હાલ ભાજપના હાથમાં છે અને જે પ્રમાણે મોદી અને ભાજપની લહેર છે, તેનાથી ભાજપે ચોક્કસ ફાયદો થશે.

બેઠકના ઇતિહાસ પર નજર ફેરવવામાં આવે તો 1977થી આ બેઠક પર કોંગ્રેસ વિજયી થતું આવતું હતું, પરંતુ 1989માં જનતા દળના શાંતિલાલ પટેલે અને 1991માં ભારતીય જનતા પાર્ટીના એ સમયના ઉમેદવાર શંકરસિંહ વાઘેલાએ કોંગ્રેસને પરાસ્ત કર્યું હતું. જોકે 1996 અને 1998માં કોંગ્રેસ ફરી વિજયી થયું હતું. 1999થી ફરીથી આ બેઠક ભાજપના હાથમાં આવી ગઇ હતી અને સતત ત્રણ ટર્મ એટલે કે 1999, 2004 અને 2009માં આ બેઠક પર ભાજપનો વિજય થયો છે. તો ચાલો તસવીરો થકી પંચમહાલ બેઠક અંગે આછેરી માહિતી મેળવીએ.

પોરબંદરગાંધીનગરઅમદાવાદ પૂર્વજામનગરકચ્છમહેસાણાપાટણસાબરકાંઠાબનાસકાંઠાસુરેન્દ્રનગરઅમરેલીભાવનગરજુનાગઢરાજકોટઆણંદખેડાગુજરાતના ઉમેદવારોરસપ્રદ માહિતી

ભાજપના ઉમેદવાર

ભાજપના ઉમેદવાર

ભાજપના ઉમેદવાર પ્રભાતસિંહ ચૌહાણે કહ્યું છેકે જો તેઓ ફરીથી ચૂંટાયા તો ગોધરામાં જીઆઇડીસીનો વિકાસ કરશે અને ઉદ્યોગોને ગોધરા તરફ આકર્ષશે, જેથી રોજગારીની તકો મળી રહે. પર્વતિય વિસ્તારોમાં પાણીની સમસ્યાનું કાયમી નિરાકરણ લાવવામાં આવશે. તેમજ એન્જીનીયરિંગ કોલેજ ગોધરામાં શરૂ કરવા અંગે પણ કામ કરવામાં આવશે.

કોંગ્રેસના ઉમેદવાર

કોંગ્રેસના ઉમેદવાર

કોંગ્રેસના ઉમેદવાર રામસિંહ પરમારે કહ્યું છેકે ગોધરા પીવાના અને સિંચાઇના પાણીની તથા બેરોજગારીની સમસ્યાથી પીડાઇ રહ્યું છે. મોદીના સદભાવના ઉપવાસ વખતે કેટલાક વચનો આપવામાં આવ્યા હતા પરંતુ પૂર્ણ થયા નથી. હું વચન આપું છું કે સાંસદની ગ્રાન્ટનો ઉપયોગ લધુમતિઓના દુઃખોને દૂર કરવા માટે વાપરવામાં આવશે.

આમ આદમીના ઉમેદવાર

આમ આદમીના ઉમેદવાર

ગોધરામાં બેઝિક પબ્લિક ટ્રાન્સપોર્ટ સિસ્ટમ નથી. અહીની સ્થાનિક હોસ્પિટલમાં સુવિધાનો અભાવ છે. મારું ફોકસ સુપર સ્પેશિયાલિટી મેડિકલ ફેસેલિટી આ વિસ્તારમાં પૂરી પાડવા પર રહેશે.

કઇ જ્ઞાતિને કેટલા મતદાતાઓ

કઇ જ્ઞાતિને કેટલા મતદાતાઓ

આ બેઠક પર સૌથી વધારે ઓબીસી મતદાતાઓ છે, તેમાં પણ ખાસ કરીને બારિયા ક્ષત્રિયો. આ વિસ્તારમાં અદાંજે 7.5 લાખ ઓબીસી મતદાતાઓ છે. ત્યારબાદ પટેલ મતદાતાઓની સંખ્યા વધારે છે. આ વિસ્તારમાં 1.5 લાખ પટેલ મતદાતાઓ છે. તેમજ લધુમતિ મતદાતાઓની સંખ્યા 1.4 લાખ છે. જ્યારે બ્રાહ્મણ મતદાતાઓની સંખ્યા લુણાવાડામાં વધારે છે.

પરિણામ પર એક નજર

પરિણામ પર એક નજર

1957

કોંગ્રેસઃ- મનેકલાલ ગાંધી- 92221

અપક્ષઃ- પ્રતાપસિંહ પટેલ- 81183

તફાવતઃ- 81183

1962

કોંગ્રેસઃ- દયાભાઇ નાયક- 85380

સ્વતંત્રઃ- પ્રતાપસિંહ પટેલ- 69147

તફાવતઃ- 16233

1967

સ્વતંત્રઃ- પીએચ મોદી- 122813

કોંગ્રેસઃ- એમએમ ગાંધી- 98364

તફાવતઃ- 24449

1971

સ્વતંત્રઃ- પીએચ મોદી- 104396

કોંગ્રેસઃ- પ્રતાપસિંહ પટેલ- 90501

તફાવતઃ- 13895

પરિણામ પર એક નજર

પરિણામ પર એક નજર

1977

કોંગ્રેસઃ- હિતેન્દ્ર દેસાઇ- 138634

બીએલડીઃ- પીએચ મોદી- 137254

તફાવતઃ- 1380

1980

કોંગ્રેસઃ- જયદીપસિંહ મહારોલ- 187481

જનતા પાર્ટીઃ- પીએચ મોદી- 124512

તફાવતઃ- 62969

1984

કોંગ્રેસઃ- જયદીપસિંહ- 205741

ભાજપઃ- ગોપાલસિંહ સોલંકી- 119894

તફાવતઃ- 85847

1989

જનતા દળઃ- શાંતિલાલ પટેલ- 229391

કોંગ્રેસઃ- પ્રભાતસિંહ ચૌહાણ- 169018

તફાવતઃ- 60373

પરિણામ પર એક નજર

પરિણામ પર એક નજર

1991

ભાજપઃ- શંકરસિંહ વાઘેલા- 202171

જનતાદળઃ- શાંતિલાલ પટેલ- 90694

તફાવતઃ- 111477

1996

કોંગ્રેસઃ- શાંતિલાલ પટેલ- 152586

ભાજપઃ- શંકરસિંહ વાઘેલા- 149358

તફાવતઃ- 3228

1998

કોંગ્રેસઃ- શાંતિલાલ પટેલ- 200168

ભાજપઃ- ગોપાલસિંહ સોલંકી- 160920

તફાવતઃ- 39248

પરિણામ પર એક નજર

પરિણામ પર એક નજર

1999

ભાજપઃ- ભુપેન્દ્ર સિંહ સોલંકી- 280684

કોંગ્રેસઃ- શાંતિલાલ પટેલ- 185662

તફાવતઃ- 95022

2004

ભાજપઃ- ભુપેન્દ્ર સિંહ સોલંકી- 295550

કોંગ્રેસઃ- રાજેન્દ્રસિંહ પટેલ- 241831

તફાવતઃ- 53719

2009

ભાજપઃ- પ્રભાતસિંહ ચૌહાણ- 282079

કોંગ્રેસઃ- શંકરસિંહ વાઘેલા- 279998

તફાવતઃ- 2081

English summary
lok sabha election analysis panchmahal constituency
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more