• search
For Quick Alerts
ALLOW NOTIFICATIONS  
For Daily Alerts

જાણો તમારા ઉમેદવારને: જુનાગઢથી ભાજપના મહેન્દ્રભાઈ મશરુ

By Kajal
|

ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 17 નવેમ્બરના ભાજપ દ્વારા ઉમેદવારોની પહેલી યાદી બહાર પાડવામાં આવી છે. આ યાદીમાં જુનાગઢની વિધાનસભા સીટ પરના ઉમેદવાર તરીકે મહેન્દ્રભાઈ મશરુની પસંદગી કરવામાં આવી છે. તો મહેન્દ્રભાઈ મશરુ વિષે થોડુ જાણીએ. 62 વર્ષના મહેન્દ્રભાઈના પિતાનું નામ લીલાધરભાઈ મશરુ છે. તેમની સંપત્તિ 3 લાખની આસપાસ છે. તેમના અભ્યાસની વાત કરવામાં આવે તો તેમણે સ્નાતક સુધીનો અભ્યાસ કર્યો છે. તેમણે બી.એસ.સી.ની સાથે એલ.એલ.બી.નો અભ્યાસ કર્યો છે.

તેમની રાજકીય કારકિર્દીની વાત કરવામાં આવે તો 1990માં તેઓ પહેલી વખત વિધાનસભા ચૂંટણી લડ્યા હતા. એ સમયે તેઓ કોંગ્રેસના ઉમેદવાર હતા. તે બાદ સતત તેઓ આ સીટ પરથી જીતતા રહ્યા છે. તેમણે 1990 અને 1995માં કોંગ્રેસના ઉમેદવાર તરીકે વિધાનસભાની ચૂંટણી લડી હતી અને જીતી હતી. પછી તેઓ ભાજપમાં જોડાયા ત્યારથી લઈને અત્યાર સુધીની 4 વિધાનસભાની ચૂંટણીમાં તેઓ ભાજપના ઉમેદવાર તરીકે ચૂંટણી લડ્યા છે અને જીત મેળવી છે. એક જ સીટ પરથી ચાર વખત સતત જીતેલા ઉમેદવારને ભાજપે આ વર્ષની ચૂંટણીમાં ફરી એ જ સીટ પરથી ચૂંટણી લડવા ઉતાર્યા છે.

English summary
mahendrabhai mashru bjp candidate from Junagadh assembly seat.read more detail here.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X