• search
For Quick Alerts
ALLOW NOTIFICATIONS  
For Daily Alerts

મહેસાણા: ધોરણ 10માં માસ પ્રમોશન બાદ ધોરણ 11માં વર્ગ વધારવા પડે તેવી સ્થિતિ

|
Google Oneindia Gujarati News

મહેસાણા જિલ્લામાં ધોરણ 10માં તમામ 31,197 વિદ્યાર્થીઓને માસ પ્રમોશનથી પાસ કરી દેવામાં આવ્યા છે. 100 ટકા પરિણામની અસર હવે ધોરણ 11ના પ્રવેશ પર પડશે. વર્ગદીઠ 75 વિદ્યાર્થીઓને સમાવવાની ક્ષમતા મુજબ 30,600 વિદ્યાર્થીઓ જ સમાઈ શકે તેમ છે. ત્યારે મહેસાણામાં ધોરણ 11ના વર્ગો વધારવા પડે તેવી સ્થિતિ સર્જાઈ છે.

મહેસાણા : ધોરણ 10માં માસ પ્રમોશન બાદ ધોરણ 11માં વર્ગ વધારવા પડે તેવી સ્થિતિ

ત્યારે શિક્ષણ ક્ષેત્રે સંકળાયેલા સૂત્રોનું કહેવું છે કે, આ વખતે માસ પ્રમોશનથી બધા વિદ્યાર્થીઓને પાસ કરી દેવાયા હોવાના કારણે ધોરણ 11ના વર્ગખંડ વધારવા પડી શકે છે, 50 જેટલા વર્ગખંડો વધારવા પડે તેવી સ્થિતિ છે. મહેસાણા જિલ્લામાં ગ્રાન્ટેડ, સરકારી અને સ્વનિર્ભર મળીને ધોરણ 11 સામાન્ય અને વિજ્ઞાન પ્રવાહની 361 શાળાઓ છે. જેમાં સામાન્ય પ્રવાહમાં 291 અને વિજ્ઞાન પ્રવાહની 216 મળીને કુલ 408 વર્ગો ઉપલબ્ધ છે.

વર્ગદીઠ 60 પ્રવેશ અપાય અને પાસ તમામ વિદ્યાર્થીઓને સમાવવા પડેતો નવા 150 વર્ગ કરવા પડે તેમ હતું, જો કે સરકારે હવે વર્ગદીઠ 75 વિદ્યાર્થીઓને પ્રવેશ આપવાની છૂટ આપી છે. પરંતુ ઘણી શાળાઓ એવી છે જ્યાં વર્ગમાં 75 વિદ્યાર્થીઓની બેઠક ક્ષમતા નથી. આવી શાળાઓમાં ઘસારો થાય તો નવા વર્ગની મંજૂરી મેળવવી પડશે. વર્ગદીઠ 75 વિદ્યાર્થીઓને બધી શાળાઓ પ્રવેશ આપે તો પણ 30,600 જેટલા વિદ્યાર્થીઓ જ સમાવી શકાય તેમ છે, બાકીના વિદ્યાર્થીઓ માટે અંદાજિત 50 જેટલા વર્ગ વધારવા પડી શકે તેમ છે.

નોંધનીય છે કે ગુજરાતમાં ધોરણ 10ના પહેલા સેમેસ્ટર અને ધોરણ 9ના બંને સેમેસ્ટરની પરીક્ષામાં મળેલા માર્કના આધારે ગુજરાત શિક્ષણ વિભાગે તમામ વિદ્યાર્થીઓને માર્ક આપી 100 ટકા રિઝલ્ટ સાથે ગુજરાતના બધા જ વિદ્યાર્થીઓને ધોરણ 10માં ઉતિર્ણ કરી દીધા છે.

English summary
Mehsana: Condition to increase the class in standard 11 after mass promotion in standard 10
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X