• search
For Quick Alerts
ALLOW NOTIFICATIONS  
For Daily Alerts

Mucormycosis: મ્યૂકરમાઈકોસિસ મુદ્દે રાજ્ય માટે માઠા સમાચાર, ગુજરાત દેશમાં બીજા ક્રમે

|
Google Oneindia Gujarati News

કોરોનાની બીજી લહેરમાં રાજ્યને હંફાવ્યા બાદ હવે એક નવા ચૌકાવનારા સમાચાર સામે આવ્યા છે. કોરોના બાદ પેદા થયેલા રોગ મ્યૂકરમાઈકોસિસના આંકડા ગુજરાત માટે ચૌકાવનારા છે. બીજી લહેરમાં કોરોના બાદ ઘણા લોકોએ આ રોગનો સામનો કરવો પડ્યો હતો. મ્યૂકરમાઈકોસિસથી ઘણા લોકોને પોતાનો જીવ પણ ગુમાવવો પડ્યો છે.

મ્યૂકરમાઈકોસિસને લઈને લોકસભામાંથી જે આંકડા આવ્યા છે તે ગુજરાત માટે સારા નથી. લોકસભામાં રજૂ કરવામાં આવેલી વિગતો અનુસાર, ડાયાબિટિસ દર્દીઓ ઉપરાંત સ્ટેરોઇડનો ઉપયોગ કરનારા દર્દીઓમાં મ્યુકરમાઇકોસિસ દેખાયો હતો. મે મહિનામાં મ્યુકરમાઇકોસિસના કેસમાં ધરખમ વધારો નોંધાયો હતો. જો કે હવે કેસ ઘટી રહ્યા છે. આંકડા મુજબ ગુજરાતમાં ૨૮ જુલાઇ સુધી ૬,૮૦૦થી વધુ લોકો મ્યુકર માઇકોસિસની ઝપેટમાં આવી ચૂક્યા છે. જે દેશમાં મહારાષ્ટ્ર બાદ સૌથી વધુ છે.

દેશમાં મ્યૂકરમાઈકોસિસના આંકડાઓ વિશે વાત કરીએ તો, સૌથી વધુ કેસ સાથે મહારાષ્ટ્રમાં ૯,૬૫૪ કેસ, ગુજરાતમાં ૬,૮૪૬, આંધ્ર પ્રદેશમાં ૪૨૦૯ તામિલનાડુમાં ૪૦૭૫ કેસ નોંધાયા છે.
બ્લેક ફંગસ તરીકે ઓળખાતા મ્યુકરમાઇકોસિસને કેન્દ્રિય આરોગ્ય અને પરિવાર મંત્રાલયે ગંભીર રોગની શ્રેણીમાં મૂક્યો છે.

આંકડાઓ જોઈએ તો ગુજરાતમાં કોરોનાના સરેરાશ ૧ હજાર દર્દીમાંથી ૧૩ વ્યક્તિને મ્યુકરમાઇકોસિસની અસર થઈ હતી. આ આંકડો રાજસ્થાનમાં પ્રતિ હજારે ૧૦, તેલંગાણામાં ૮, મધ્ય પ્રદેશમાં ૫ અને આંધ્ર પ્રદેશમાં ૪ હતો. કોરોનાના ૧ હજાર દર્દીઓએ મ્યુકરમાઇકોસિસના સૌથી વધુ કેસમાં ગુજરાત મોખરે છે.

English summary
Mucormycosis: Bad news for the state on the issue of mucormycosis, Gujarat ranks second in the country
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X