લોકસભા ચૂંટણીઃ આ રહી ગુજરાતની 26 બેઠકો

ગાંધીનગર, 5 માર્ચઃ ચૂંટણી પંચ દ્વારા આજે લોકસભા ચૂંટણીની તારીખો જાહેર કરી દીધી છે. દેશભરમાં 7 એપ્રિલથી 12મી મે સુધી લોકસભા ચૂંટણી નવ તબક્કામાં યોજાશે અને મત ગણતરી 16મી મેનાં રોજ કરવામાં આવશે. જે દરમિયાન ગુજરાતમાં 30 એપ્રિલે એક જ તબક્કામાં ચૂંટણી થવાની છે. દેશભરમાં ચૂંટણીનો માહોલ છવાયો છે, ત્યારે ચોક્કસપણે એક મતદાતા અને રાજકારણમાં રસ દાખવતા નાગરિકો ગુજરાતની 26 બેઠકો અંગે માહિતી મેળવવા ઉત્સુક હશે. એ બાબતને ધ્યાનમાં રાખીને અમે અહીં ગુજરાતની 26 બેઠકો અંગે આછેરી માહિતી આપી રહ્યાં છીએ.

ગુજરાતમાં ચૂંટણી અંગે વાત કરીએ તો, રાજ્યમાં 9મી એપ્રિલે ઉમેદવારી પત્ર ભરવામાં આવશે, 30મી એપ્રિલે મતદાન કરવામાં આવશે અને 16મી એપ્રિલે લોકસભા ચૂંટણીની મતગણતરી હાથ ધરવામાં આવશે, જે દિવસે જાહેર થઇ જશે કે દેશના આગામી વડાપ્રધાન કોણ હશે. ગુજરાતમાં કુલ 45,313 પોલિંગ સ્ટેશન છે, જ્યાં 3,98,71,571 મતદાતાઓ મત આપશે, જેમાં 2,08,64,863 પુરુષો, 1,90,06,447 મહિલાઓ અને 261 અન્ય મતદાતાઓ છે. તો ચાલો તસવીરો થકી ગુજરાતની 26 બેઠકો પર એક નજર ફેરવીએ.