હનુમાન દાદા ના મંદિરથી ચાંદીનો મુગટ ચોરનાર સીસીટીવી ને આધારે ઝડપાયો
હનુમાન દાદા ના મંદિરથી ચાંદીનો મુગટ ચોરનાર સીસીટીવી ને આધારે ઝડપાયો અને અન્ય ત્રણ ગુનાના ભેદ ઉકેલાયા.
ગાંધીનગર જિલ્લાના ઇન્દ્રોડા ગામમાં આવેલા હનુમાન દાદા ના મંદિર માંથી ગત 6ઠી એપ્રિલના રોજ ચાંદી ના મુગટ ની ચોરી થઈ હતી. જૉકે આ સમગ્ર બનાવ સીસીટીવી માં કેદ થઈ ગયો હતો. જેના આધારે ગાંધીનગર પોલીસે તપાસ શરૂ કરી હતી અને બાતમી મળી હતી કે જે વ્યક્તિ સીસીટીવીમાં દેખાઈ છે તેના જોવો જ વ્યક્તિ રાયસણ ગામ પાસે એક કાર લઈને ઉભો છે. જેના આધારે પોલીસે વોચ ગોઠવી હિતેશ ઠાકોરને ઝડપી લીધો હતો.
શરૂઆત માં તેણે મુગટ ચોરી અંગે કોઈ સંતોષકારક જવાબ આપ્યા નહોતા બાદ માં સીસીટીવી બતાવતા તે ભાંગી પડ્યો હતો અને મુગટ ચોરી નો ગુનો કબુલ્યો હતો અને ચોરી નો મુગટ ઇન્ફોસિટી પાસેની ઝાડીઓ માં સંતાડયો હોવાની વાત પણ કરી હતી જેના આધારે પોલીસે મુગટ શોધી કાઢ્યો હતી. બાદ માં પોલીસે કારના.કાગળો માંગતા એણે જણાવ્યું હતું કે આ કારની ચોરી તેણે ગાંધીનગર સિવિલ હોસ્પિટલ પાસેથી કરી હતી. આ ઉપરાંત બે બાઈક ની ચોરી પણ અમદાવાદ થી કરી હતી. આમ પોલોસને એક સાથે ચાર ગુનાના ભેદ ઉકેલવા માં સફળતા મળી હતી