• search
For Quick Alerts
ALLOW NOTIFICATIONS  
For Daily Alerts

પોલીસ ભરતીને લાગ્યું કમોસમી વરસાદનું ગ્રહણ, શારીરિક કસોટી મોકૂફ રખાઇ

|
Google Oneindia Gujarati News

ગુજરાતમાં કમોસમી વરસાદ અને માવઠાની સમયાવધિ લંબાતા PSI અને LRD ભરતીની પરીક્ષા મોકૂફ રાખવામાં આવી છે. આ અગાઉ માત્ર બે ત્રણ જગ્યાએ જ આ પરીક્ષા મોકૂફ રાખવાની વાત હતી, પરંતુ હવામાન વિભાગની આગાહી પ્રમાણે હજૂ વાતાવરણ અનુકૂળ ન હોવાને કારણે વિભાગ દ્વારા રાજ્યના 6 મેદાનમાં શારીરિક કસોટી મોકૂફ રાખવાનો નિર્ણય કરવામાં આવ્યો છે.

ગુજરાતમાં કમોસમી વરસાદના કારણે PSI અને LRD ભરતીની પરીક્ષા મોકૂફ રાખવાની ફરજ પડી છે. આ સાથે રાજ્યના 6 મેદાનમાં શારીરિક કસોટી મોકૂફ રાખવાનો નિર્ણય પણ કરવામાં આવ્યો છે. જે મેદાનમાં શારીરિક પરીક્ષા મોકૂફ રાખવામાં આવી છે.

જેમાં પોલીસ હેડ ક્વાર્ટર, ભરૂચ, ખેડા, સુરેન્દ્રનગર, અમરેલી, SRP ગ્રુપ 11, વાવ, સુરત, SRP ગ્રુપ 7 અને નડીયાદ સેન્ટરની પરીક્ષા મોકૂફ કરવામાં આવી છે. આ પરીક્ષા 3 અને 4 ડિસેમ્બરના રોજ યોજાવવાની હતી. જો કે, હવે પરીક્ષા મોકૂફ કરતા ટૂંક સમયમાં નવી તારીખો જાહેર કરવામાં આવશે.

આ અંગે હસમુખ પટેલે ટ્વીટ કર્યું હતું કે, કમોસમી વરસાદને કારણે એસઆરપી ગૃપ 5, ગોધરા ખાતે તારીખ 3/12/21ના રોજ લેવાનાર પો.સ.ઇ /લોકરક્ષકની શારીરીક કસોટી મોકૂફ રાખવામાં આવી છે. નવી તારીખ હવે પછી ઉમેદવારોને જણાવવામાં આવશે.

હસમુખ પટેલે અન્ય એક ટ્વીટમાં લખ્યું હતું કે, કમોસમી વરસાદને લીધે પોલીસ હેડ કવાર્ટર, ભરૂચ ખેડા સુરેન્દ્રનગર અમરેલી તથા SRPF ગૃપ-11, વાવ-સુરત અને SRPF ગૃપ-7, નડિયાદ એમ કુલ 6 મેદાનો ખાતે પોસઇ/ લોકરક્ષકની તારીખ 03/12/21021 અને તારીખ 04/12/2021ના રોજ લેવામાં આવનારી શારિરીક કસોટી મોકૂફ રાખવામાં આવી છે. નવી તારીખ હવે પછી જણાવવામાં આવશે.

ઉલ્લેખનીય છે કે, ભારતના હવામાન વિભાગ (IMD) એ ગુરુવારના રોજ સુરત, ડાંગ, તાપી, નવસારી, વલસાડમાં અતિ ભારે વરસાદની ચેતવણી જાહેર કરી છે. આ સાથે બુધવારના રોજ સૌરાષ્ટ્ર અને દક્ષિણ ગુજરાતના મોટાભાગના 108 તાલુકાઓમાં કમોસમી વરસાદ નોંધાયો હતો. શુક્રવારના રોજ દાહોદ, મહિસાગર, છોટા ઉદેપુર અને નર્મદા જિલ્લાઓમાં ભારે વરસાદની આગાહી છે.

કમોસમી વરસાદને કારણે બુધવારે ઘણા કેન્દ્રો પર મહત્તમ અથવા દિવસના તાપમાનમાં અચાનક ઘટાડો થયો હતો, જે સામાન્ય તાપમાન કરતાં 12 ડિગ્રી ઓછું હતું. બુધવારની સાંજ સુધીમાં સુરતના ઉમરપાડામાં સૌથી વધુ 31 મીમી વરસાદ નોંધાયો હતો, ત્યારબાદ અમરેલીમાં ખાંભા અને ગીર સોમનાથના ઉનામાં 25-25 મીમી વરસાદ નોંધાયો હતો.

English summary
Physical test of police recruitment postponed due to unseasonal rains.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X