જ્યારે દ્વારકામાં PM મોદીને મળ્યા તેમના જૂના મિત્ર
દ્વારકામાં વડાપ્રધાન નરેન્દ્ર મોદીને મળી ગયા તેમના જૂના મિત્ર. મોદીના જૂના મિત્ર હરિભાઇએ પીએમ મોદી સાથે કરી ખાસ મુલાકાત. જાણો આ અંગે વધુ અહીં
વડાપ્રધાન નરેન્દ્ર મોદી હાલ જ્યારે ગુજરાતના બે દિવસના પ્રવાસ પર છે ત્યારે શનિવારે તે જ્યારે દ્વારકામાં પ્રભુના દર્શન કરીને નીકળી રહ્યા હતા ત્યારે અચાનક જ તેમનો કાફલો રોકાઇ ગયો અને તે પોતે ગાડીથી નીકળીને એક વ્યક્તિ જોડે વાત કરવા લાગ્યા. હાલચાલથી તેવું લાગતું હતું જાણે બન્ને એકબીજાને સારી રીતે લાંબા સમયથી ઓળખતા હોય. સારી એવી વાતચીત અને ઉત્સુકતા બતાવીને જ્યારે પીએમ મોદી પરત ફર્યા ત્યારે જાણવા મળ્યું કે પીએમ મોદી જે વ્યક્તિ જોડે વાતચીત કરી રહ્યા હતા તે પીએમ નરેન્દ્ર મોદીના જૂના મિત્ર છે, જેમનું નામ છે હરિભાઇ. હરિભાઇ અને મોદી પાછલા 52 વર્ષોથી મિત્ર છે.
વધુમાં હરિભાઇએ જણાવ્યું કે તે જૂના આરએસએસના કાર્યકર્તા છે. હાલમાં તેમની પત્નીની મોત થઇ ગઇ હતી. આ વાતની જાણકારી તેમણે પીએમ મોદીને પણ આપી હતી. જે બાદ પીએમ મોદીએ તેમને મળી સાંત્વના આપી હતી. વધુમાં તેમ પણ જાણવા મળ્યું છે કે હરિભાઇ અને મોદી લાંબો સમય સુધી એક જ રૂમમાં રહેતા હતા. ત્યારે શનિવારે પીએમ મોદીના આ જૂના મિત્રની વાત દુનિયા સામે આવી હતી. જેમને મોદી ખુબ જ આત્મીયતાથી મળ્યા હતા. હરિભાઇએ જણાવ્યું કે તે પોતે પણ ગુજરાતના સંઘ પ્રચારક રહી ચૂક્યા છે. અને તેમણે અને મોદીએ સાથે મળીને સંઘના અનેક કાર્યક્રમનો ભાગ લઇને લોકોની સેવા કરી છે.