સુરતમાં PM મોદીનો ભવ્ય રોડ શો શરૂ, મોટી સંખ્યામાં લોકો ઉમટ્યા

પીએમના સ્વાગત માટે ખાસ 12 કિલોમીટર લાંબી સાડી તૈયાર કરવામાં આવી છે. એરપોર્ટથી લઇને સર્કિટ હાઉસ સુધી આ સાડી પાથરવામાં આવી છે.

By Shachi

Updated: Sunday, April 16, 2017, 20:21 [IST]

વડાપ્રધાન નરેન્દ્ર મોદી બે દિવસ સુરત ની મુલાકાતે છે. પીએમ મોદીના સ્વાગત માટે સુરતને ભવ્ય રીતે શણગારવામાં આવ્યું છે. સુરત એરપોર્ટ પર ગુજરાતના મુખ્યમંત્રી શ્રી વિજય રૂપાણીએ પુષ્પગુચ્છ વડે વડાપ્રધાન નરેન્દ્ર મોદીનું સ્વાગત કર્યું હતું. સુરત એરપોર્ટ પર નીતિન પટેલ, જીતુ વાઘાણી, આનંદીબહેન પટેલ સહિતના ભાજપના મોટા નેતાઓ હાજર રહ્યા હતા.

સુરત એરપોર્ટ પર ભવ્ય સ્વાગત બાદ પીએમ મોદીનો રોડ શો શરૂ
ઓપન કારમાં બેસી પીએમ મોદીએ લોકોનું અભિવાદન ઝીલ્યું.
રોડ શોમાં સૌથી આગળ મહિલા બાઇકર્સ જોડાઇ.

12 કિમી લાંબા આ રોડ શોમાં ચુસ્ત પોલીસ બંદોબસ્ત રાખવામાં આવ્યો છે.
સુરક્ષા વ્યવસ્થામાં 25000 જેટલા પોલીસ કર્મચારીઓ ખડેપગે હાજર છે.
પીએમ મોદીના આ રોડ શોનો લાઇવ વીડિયો જુઓ અહીં..

WATCH LIVE: PM Modi's roadshow in Surat, Gujarat https://t.co/qNrBla3UYR
— ANI (@ANI_news) April 16, 2017

લગભગ 5000 જેટલા બાઇક સવારો પણ આ રેલીમાં જોડાયા.
બાઇક રેલીમાં મોંઘીદાટ હાર્લી ડેવિડસન બાઇક પણ જોડાઇ.

વડાપ્રધાન નરેન્દ્ર મોદીને જોવા માટે મોટી સંખ્યામાં સુરતીઓ રોડ પર જોવા મળી રહ્યાં છે.
સુરત શહેરની ભવ્ય સજાવટ અને પીએમનો રોડ શો જોવા માટે લગભગ 2 લાખ લોકો રસ્તા પર ઉતરી આવ્યા છે.

વડાપ્રધાન નરેન્દ્ર મોદીનો રોડ શો શરૂ થાય એ પહેલાં જ રસ્તાઓ પર મોટી સંખ્યામાં માનવ મહેરામણ ઉમટી પડ્યું હતું.

સ્વાગતની તૈયારીઓ

પીએમના સ્વાગત માટે 12 કિલોમીટર લાંબી સાડી તૈયાર કરવામાં આવી છે, જે એરપોર્ટથી લઇને સર્કિટ હાઉસ સુધી પાથરવામાં આવી છે. વધુ ખાસ વાત એ છે કે, આ સાડી પર પીએમ મોદીની સરકાર દ્વારા શરૂ કરવામાં આવેલ યોજનાઓની જાણકારી આપવામાં આવી છે. કહેવાઇ રહ્યું છે કે, આ દુનિયાની સૌથી લાંબી સાડી છે. કેટલીય શાળાઓમાં વિદ્યાર્થીઓએ પીએમના સ્વાગત માટે પેઇન્ટિંગ તૈયાર કરી છે, આ પેઇન્ટિંગ્સમાં પણ પીએમની યોજનાઓનો ઉલ્લેખ કરવામાં આવ્યો છે.

વડાપ્રધાન નરેન્દ્ર મોદીએ પણ ગુજરાત સરકાર તથા સુરતના શહેરીજનોના ઉત્સાહને વધાવી લેતાં પોતાની આ યાત્રા અંગે ટ્વીટ કર્યા હતા.

My gratitude to all those who are participating in the various programmes. Visiting the vibrant city of Surat is a matter of great joy.
— Narendra Modi (@narendramodi) April 16, 2017