• search
For Quick Alerts
ALLOW NOTIFICATIONS  
For Daily Alerts

રાજકોટમાં મતદાનના ગણતરીના કલાકો પહેલા ઝડપાયા કરોડો રૂપિયા

By desk
|

પ્રથમ તબક્કાની ચૂંટણીને ગણતરીના કલાકો બાકી છે ત્યારે રંગીલા રાજકોટમાંથી આવ્યા છે એક ચોંકાવનારા સમાચાર. શહેરના બેડી નાકા ટાવર પાસેથી જિલ્લા ચૂંટણી અધિકારીની સર્વેલન્સ ટીમે એક કારમાંથી દોઢ કરોડ રૂપિયા સાથે ચાર શખ્સોની અટકાયત કરી છે. ચૂંટણી ટાણે રાજકોટ પશ્ચિમ બેઠક પર કરવામાં આવી રહેલા ચેકિંગ દરમિયાન શંકાસ્પદ કારમાંથી દોઢ કરોડ રૂપિયા મળી આવ્યા છે. મતદાનની આગલી રાત દરેક પક્ષો માટે ખુબ જ મહત્વની હોય છે. ગણતરીની છેલ્લી મિનિટો સુધી એડીચોટીનું જોર લગાવવામાં આવતું હોય છે. ત્યારે ચૂંટણી અધિકારીઓ દ્વારા પણ પેટ્રોલિંગ અને ચેકિંગ સઘન કરી દેવામાં આવે છે. ત્યારે રાજકોટમાંથી મળી આવેલા આ દોઢ કરોડ રૂપિયા કોઈ પક્ષના છે કે નહીં તે જાણી શકાયું નથી. હાલ જેમની અટકાયત કરવામાં આવી છે તે ચાર શખ્સોની સઘન પૂછપરછ કરવામાં આવી રહી છે. આ સાથે જ આ જંગી રકમ અંગે ઈન્કમટેક્સ વિભાગને જાણ પણ કરી દેવામાં આવી છે.

GujaratElection

સમગ્ર ઘટના અંગે જિલ્લા કલેક્ટરે વિક્રાંત પાંડેનું કહેવું છે કે, ચેકિંગ દરમિયાન દોઢ કરોડ જેવી જંગી રકમ મળી આવી છે. અને આ અંગે અટકાયત કરાયેલા શખ્સોની પૂછપરછ ચાલી રહી છે. જો કે હાલ તો રાજકોટ સહિત સમગ્ર રાજયમાં આ આટલી મોટી રકમ કોની છે? ક્યાં લઈ જવામાં આવી રહી હતી? તેનો શું ઉપયોગ કરવામાં આવવાનો હતો? તેવા અનેક પ્રશ્નોની ચર્ચા શરૂ થઈ ગઈ છે. આપને જણાવી દઈએ કે રાજયમાં ચૂંટણી આચારસંહિતા લાગુ પડી જાય ત્યાર બાદ રોકડ રકમની હેરફેર પર ચૂંટણી અધિકારીઓની નજર રહેતી હોય છે. જેથી કરીને મતદારોને રિઝવવા માટે કોઈપણ ઉમેદવાર મોટી રકમની લાહણી ન કરી શકે. હાલમાં બે લાખથી વધુ કેસ રૂપિયાની હેરફેર કરવા પર કોઈપણ વ્યક્તિની પૂછપરછ થઈ શકે છે. આ વખતે ચૂંટણી આયોગે દરેક ઉમેદવારને 20થી 28 લાખ રૂપિયા સુધીનો ખર્ચ કરવાની અનુમતિ આપી છે.

English summary
Rajkot: Election team detained four man with 1.5 Crores cash before elections.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more