લાંબા વાળ માટે ગુજરાતની કિશોરીએ બનાવ્યો ગિનીઝ બુક ઓફ વર્લ્ડ રેકોર્ડ
ગુજરાતમાં એક 16 વર્ષની છોકરી નિલાંશી પટેલે પોતાનું નામ ગિનીસ બુક ઓફ વર્લ્ડ રેકોર્ડમાં નોંધાવી દીધુ છે.
ગુજરાતમાં એક 16 વર્ષની છોકરી નિલાંશી પટેલે પોતાનું નામ ગિનીસ બુક ઓફ વર્લ્ડ રેકોર્ડમાં નોંધાવી દીધુ છે. વાસ્તવમાં નિલાંશીને પોતાના ખૂબ જ લાંબા વાળના કારણે વર્લ્ડ રેકોર્ડનો ખિતાબ મળ્યો છે. નિલાંશીના વાળ 5 ફૂટ 7 ઈંચ લાંબા છે. આ જ કારણ છે કે દોસ્તો વચ્ચે તે રપન્ઝલના નામથી પ્રચલિત છે. તમને જણાવી દઈએ કે રપન્ઝલ પરીઓની એક જર્મન કહાની છે જેની મુખ્ય ભૂમિકા રપન્ઝલના વાળ ખૂબ જ લાંબા હોય છે.
નિલાંશીના જણાવ્યા અનુસાર 6 વર્ષની ઉંમરમાં તેણે ભૂલથી ખૂબ જ ખરાબ હેરકટ કરાવી લીધા હતા. ત્યારબાદ તેણે નક્કી કર્યુ કે તે હવે ક્યારેય પોતાના વાળ નહિ કપાવે. આમ કર્યા બાદ તેના વાળની લંબાઈ વધતી જ ગઈ. આજે આ વાળના કારણે જ માત્ર 16 વર્ષની ઉંમરે નિલાંશીનું માન વર્લ્ડ રેકોર્ડમાં આવી ગયુ છે.
નિલાંશીનું કહેવુ છે કે લોકોને લાગે છે કે આ વાળ સાથે મને ઘણી મુશ્કેલીઓનો સામનો કરવો પડતો હશે પરંતુ એવુ નથી. હું સ્પોર્ટ્સ પણ ખૂબ સરળતાથી રમુ છુ. આ વાળ તો મારા માટે સૌભાગ્યશાળી સાબિત થઈ રહ્યા છે. નિલાંશી અઠવાડિયામાં એક વાર પોતાના વાળ ધુએ છે અને તેમાં તેની મા મદદ કરે છે. તેમણે જણાવ્યુ કે તે પ્રસંગો અનુસાર પોતાના વાળને સ્ટાઈલ કરે છે. તે હંમેશા ટેનિસ રમતી વખતે પોતાના વાળનો અંબોડો બનાવે છે.
આ પણ વાંચોઃ કુખ્યાત તંદૂર કાંડનો દોષિત 23 વર્ષ બાદ જેલમાંથી બહાર આવ્યા બાદ શું બોલ્યો?