• search
For Quick Alerts
ALLOW NOTIFICATIONS  
For Daily Alerts

આંતરરાષ્ટ્રીય કક્ષાએ પેરા-સ્પોર્ટ્સમાં પદક મેળવનાર ખેલાડીને રાજ્ય સરકાર નોકરી આપશે

|
Google Oneindia Gujarati News

ઓલમ્પિકમાં ગુજરાતનું પ્રતિનિધિત્વ કરનાર રાજ્યની છ મહિલા ખેલાડીઓને 10-10 લાખની પ્રોત્સાહન સહાય બાદ રાજ્ય સરકારે રમત-ગમતને પ્રોત્સાહન આપવા એક મહત્વની જાહેરાત કરી છે. આંતરરાષ્ટ્રીય કક્ષાએ પેરા-સ્પોર્ટ્સમાં પદક પ્રાપ્ત કરનાર ગુજરાતના દિવ્યાંગ રમતવીરોને રાજ્ય સરકાર સરકારી સેવામાં નિમણૂંક આપશે.

રાજ્ય સરકારે જાહેરાત કરી છે કે રાજ્ય સરકાર આંતરરાષ્ટ્રીય કક્ષાએ પેરા સ્પોર્ટ્સમાં પદક પ્રાપ્ત કરનાર રાજ્યના દિવ્યાંગ રમતવીરોને વર્ગ-૧ અને વર્ગ-૨ની સુનિશ્ચિત જગ્યાઓ ઉપર નિમણૂંક આપશે. આ નિર્ણયના પરિણામે પેરા ઓલમ્પિક, કોમનવેલ્થ, પેરા-એશિયન ગેમ્સ જેવા પેરા-સ્પોર્ટ્સમાં પદક પ્રાપ્ત કરનાર દિવ્યાંગ રમતવીરોને સીધી ભરતીથી રાજ્ય સરકારની નોકરી મળશે. રાજ્ય સરકારના વિવિધ વિભાગોમાં દિવ્યાંગો માટે સુનિશ્ચિત જગ્યાઓ માટે પૂર્વનિર્ધારિત શરતો અને નિમણૂંક અંગેની કાર્યપદ્ધતિઓને અનુસરીને નિમણૂંક પ્રસ્તાવ અપાશે.

ઉલ્લેખનિય છે કે, 2016 થી રાજ્ય સરકારના રમતગમત યુવા અને સાંસ્કૃતિક પ્રવૃત્તિ વિભાગ દ્વારા ગુજરાત ખેલકૂદ નીતિ-૨૦૧૬ અન્વયે રાજ્યના રમતવીરોને પ્રોત્સાહન આપવા ઓલમ્પિક, કોમનવેલ્થ અને એશિયન રમતોમાં મેડલ પ્રાપ્ત કરનાર રમતવીરોને રાજ્ય સરકારની વર્ગ-૧ અને વર્ગ-૨ની સેવામાં સીધી ભરતીથી નિમણૂંક આપવાની નીતિ હાલ અમલમાં છે. ત્યારે હવે સરકારે દિવ્યાંગ ખેલાડીઓને પણ આંતરરાષ્ટ્રીય કક્ષાએ પેરા-સ્પોર્ટ્સમાં પદક જીતનારા ખેલાડીઓને પ્રોત્સાહનરૂપે રાજ્ય સરકારની સેવામાં વર્ગ-૧,૨ની દિવ્યાંગો માટે સુનિશ્ચિત જગ્યા ઉપર સીધી ભરતીથી નિમણૂંક આપવાનો નિર્ણય કરાયો છે.

English summary
The state government will give a job to a disabled player who has won a medal at the international level
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X