નવસારીના વિજલપોરમાં કચરાપેટીમાંથી મળ્યું બાળકીનું ભ્રૂણ

દક્ષિણ ગુજરાતના નવસારી શહેરના વિજલપોરમાંથી કચરા પેટીમાંથી ભ્રૂણ મળી આવ્યું છે. આજે સવારે નવસારીના વિજલપોર વિસ્તારના ચંદનવન પાસેની એક કચરા પેટીમાંથી આ ભ્રૂણ મળી આવતા ભ્રૂણને જોનારામાં અરેરાટી વ્યાપી ગઈ હતી.

સ્થાનિકોના ટોળેટોળા ઉમટી પડ્યા હતા. આ બાબતની જાણ પોલીસને થતા પોલીસ ઘટના સ્થળે પહોંચી હતી. અને આ ભ્રૂણ કોણ મૂકી ગયું તેની તપાસ શરૂ કરી હતી. ઉલ્લેખનીય છે કે સરકારની બેટી બચાવો દેશ બચાવો જાહેરાતો છતાં રાજ્યમાં અવારનવાર કોઇને કોઇ જગ્યાએથી બાળકીના ભ્રૂણ મળી આવતા હોય છે.