જય જગન્નાથના નાદ સાથે 138મી રથયાત્રા સંપન્ન, જુઓ તસવીરો

અમદાવાદ, 18 જુલાઇ: આજે અષાઢી બીજ છે. લોખંડી સુરક્ષા વ્યવસ્થા વચ્ચે જય જગન્નાથના નાદ સાથે 138મી રથયાત્રાનો પ્રારંભ થઇ ચૂક્યો છે. ભગવાન જગન્નાથ બહેન સુભદ્રા અને ભાઇ બલરામ સાથે નગરચર્યાએ નીકળી ચૂક્યા છે. આ વખતે પિહિંદ વિધિ રાજ્યના મુખ્યમંત્રી આનંદીબેન પટેલે કરી. રથયાત્રાની પૂર્વસંધ્યાએ આનંદીબેને જમાલપુરમાં આવેલા મંદિરમાં જગન્નાથની પૂજા-આરતી કરી હતી.

રથયાત્રાની ખાસ વાતો પર એક નજર...

• અમદાવાદમાં નીકળતી જગન્નાથની આ વખતની રથયાત્રા 138મી રથયાત્રા છે.
• આ વખતે પિહિંદ વિધિ રાજ્યના મુખ્યમંત્રી આનંદીબેન પટેલે કરી.
• દર અઢાર વર્ષે અષાઢ અધિક માસ આવે ત્યારે ભગવાન જગન્નાથને નવું કલેવર પહેરાવવામાં આવે છે. જેના ભાગરૂપે ભગવાનની મૂર્તિઓની પૂન: પ્રાણ પ્રતિષ્ઠા કરવામાં આવે છે.
• 30 વર્ષે રથયાત્રા અને ઇદ એક સાથે આવ્યા છે.
• લોખંડી સુરક્ષા વ્યવસ્થા વચ્ચે નીકળી રહી છે રથયાત્રા. જેમાં અમદાવાદ પોલીસ, બીએસએફ, આરએએફ, સીઆરપીએફ, સહિત 20 હજારથી વધારે સુરક્ષા કર્મીઓ ખડેપગે છે.
• બે લાખનું રસોડુ કરવામાં આવ્યું છે. સરસપુર ખાતે 15થી વધારે પોળમાં પ્રસાદરૂભે ભોજનની વ્યવસ્થા કરવામાં આવી છે.

આ રથયાત્રાની શોભા વધારશે

• 18 શણગારેલા હાથી
• 30 જેટલા અંગ પ્રદર્શન કરતા અખાડા
• 18 જેટલી ભજનમંડળીઓ
• 101 સંસ્કૃતિ પ્રદર્શન કરતી ટ્રક
• 1200 ખલાસી ભાઇઓ
• 101 જેટલા સ્વયંમ સેવકો
• 13 હજાર કોન્સ્ટેબલ
• 2 હજાર જેટલા સાધુઓ દેશભરમાંથી આવશે

English summary

Ahmedabad Rathyatra: With tight security 138th Rathyatra starts in Ahmedabad.