• search
For Quick Alerts
ALLOW NOTIFICATIONS  
For Daily Alerts

મુંબઇમાં મધરાતે ઇમારત ધસી, 4નાં મોત

|

મુંબઇ, 11 જૂન : મુંબઈમાં છેલ્લા 3-4 દિવસથી મેઘરાજાએ કરેલી ધમાકેદાર બેટિંગને કારણે મુંબઇવાસીઓ ભારે મુશ્કેલીમાં મુકાયા છે. ઠેર ઠેર પાણી ભરાવાની સમસ્યા અને રસ્તા ખરાબ થઇ જવાની બૂમરાણ ઉઠી છે. બીજી બાજુ સોમવારે મોડી રાત્રે માહિમ વિસ્તારમાં છેલ્લા 4 દિવસથી ચાલુ રહેલા ભારે વરસાદને કારણે એક બિલ્ડીંગ ધરાશયી થતા ચાર વ્યક્તિના મોત નીપજ્યાં છે. જ્યારે અનેક લોકો ઘાયલ થયા છે.

મધરાતે માહિમમાં ચાર માળની ઈમારત ધરાશાયી થઈ હતી. આ ઘટનાક્રમથી લોકોમાં ભય ફેલાયો હતો. મૃતક વ્યક્તિઓમાં એક મહિલાનો પણ સમાવેશ થાય છે. મુંબઈનાં કેડેલ રોડ સ્થિત અલતાફ નામની ધરાશયી થયેલી બિલ્ડીંગનાં કાટમાળમાં હજું પણ અનેક લોકો ફસાયા હોવાની આશંકા છે. મ્યુનિસપલ કોર્પોરેશન તરફથી રાહતકાર્ય ચાલી રહ્યું છે. ઘાયલોને નજીકની હોસ્પિટલોમાં સારવાર અપાઈ રહી છે.

ઉલ્લેખનીય છે કે ચોમાસુ નજીક આવતા જ મુંબઇ મહાનગર પાલિકાએ જર્જરિત અને જોખમી ઇમારતોને તોડી પાડવાના આદેશો આપ્યા હતા જેથી આવી દુર્ઘટનાઓ ટાળી શકાય. ઘાયલોને બાંદ્રાની ભાભા હોસ્પિટલ ઉપરાંત કેઇએમ અને સાયન હોસ્પિટલમાં સારવાર માટે દાખલ કરવામાં આવ્યા છે. મૃતક મહિલાનું નામ જૈબુનનિસા અબ્દુલ સત્તાર લાખા હોવાનું જાણવા મળ્યું છે.

English summary
4 dead in midnight building collapse in Mumbai
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X