સીરમ ઇન્સ્ટીટ્યુટના ટર્મિનલ 1 ગેટ પર લાગી આગ, અહીં જ બની હતી કોરોના વેક્સિન કોવિશીલ્ડ

મહારાષ્ટ્રના પુના, પુણેની સીરમ ઇન્સ્ટિટ્યૂટમાં આગની જાણ થઈ હતી. સીરમ ઇન્સ્ટિટ્યૂટના ટર્મિનલ -1 ગેટને આગ લાગી છે. આગને કારણે થયેલા નુકસાન અંગેની માહિતી હજુ સુધી મળી નથી. ટર્મિનલ -1 ગેટ પાસે આકાશમાં ઘણો ધૂમાડો જોવા મળી રહ્યો છે. આગની જાણ ફાયર વિભાગને કરવામાં આવી છે.

ચાલો આપણે જાણીએ કે સીરમ ઇન્સ્ટિટ્યૂટ ઓફ ઈન્ડિયા ભારતની રસી અને ઇમ્યુનોલોજીકલ ડ્રગનું ઉત્પાદન કરતી ભારતની અગ્રણી સંસ્થા છે. હાલમાં, દેશમાં આપવામાં આવતી કોરોના વાયરસની રસી કોવિશિલ્ડ પણ અહીં બનાવવામાં આવી છે. કોરોના વેક્સિન કોવિશિલ્ડ વિકસાવવા સીરમે ઓક્સફર્ડ-એસ્ટ્રાઝેનેકા સાથે કરાર કર્યો છે.