કોંગ્રેસમાં શામેલ થઈ બિગ બોસ વિનર શિલ્પા શિંદે, ‘પાર્ટી કહેશે તો લડીશ ચૂંટણી'
ટીવી અભિનેત્રી શિલ્પા શિંદે કોંગ્રેસમાં શામેલ થઈ ગઈ છે. મંગળવારે મુંબઈમાં તેમણે કોંગ્રેસ પાર્ટીનુ સભ્યપદ લીધુ.
ટીવી અભિનેત્રી શિલ્પા શિંદે કોંગ્રેસમાં શામેલ થઈ ગઈ છે. મંગળવારે મુંબઈમાં તેમણે કોંગ્રેસ પાર્ટીનુ સભ્યપદ લીધુ. મુંબઈ કોંગ્રેસ સમિતિના હેડ સંજય નિરુપમ અને પાર્ટી નેતા ચરણ સિંહ સપરાની હાજરીમાં શિલ્પા કોંગ્રેસમાં શામેલ થઈ. મુંબઈની રહેવાસી શિંદે છેલ્લા કેટલાક દિવસોથી કોંગ્રેસમાં આવવાના સમાચાર હતા પરંતુ તેમણે આના પર કંઈ જણાવ્યુ નહોતુ. કોંગ્રેસમાં શામેલ થવા પાછળ તેમણે પાર્ટી અને રાહુલ ગાંધીની નીતિઓમાં વિશ્વાસ હોવાની વાત કહી. વળી, ચૂંટણી લડવા અંગે શિલ્પાએ કહ્યુ કે જો પાર્ટી તક આપશે તો ચૂંટણીમાં પણ જરૂર ઉતરશે. ટીવી સીરિયલ ભાભીજી ઘર પર હેમાં અંગૂરી ભાભીની ભૂમિકાથી જાણીતી બનેલી શિલ્પા બિગ બોસ 11મી સિઝનની વિજેતા પણ રહી છે. શિલ્પાનું ટીવીમાં બે દશકનું કેરિયર છે વળી, તે ફિલ્મોમાં પણ અમુક નાની મોટી ભૂમિકા કરી ચૂકી છે.
ટીવીમાં કમાયુ છે નામ
જાણકારી મુજબ શિલ્પાએ મહારાષ્ટ્રમાં કોંગ્રેસના મોટા નેતા સંજય નિરુપમની હાજરીમાં મંગળવારે પાર્ટીનું સભ્યપદ લીધુ. 41 વર્ષની શિંદેએ પોતાનું ટેલિવિઝન ડેબ્યુ 1999 માં કર્યુ હતુ. તેમને સૌથી વધુ લોકપ્રિયતા મળી ‘ભાભીજી ઘર પર હે' ના અંગૂરી ભાભીની ભૂમિકા માટે. સીરિયલ અને ચેનલના પ્રોડ્યુસર સાથે અણબનાવના કારણે શિલ્પા શિંદેએ સીરિયલ વચમાં જ છોડી દીધી હતી. નિર્માતાઓ સાથે લડાઈ થયા બાદ વર્ષ 2016માં શો છોડી દીધો. શો છોડ્યા બાદ શિલ્પાએ નિર્માતાઓ પર યૌનશોષણનો આરોપ લગાવ્યો હતો જેના પર ઘણો હોબાળો થયો હતો. જો કે નિર્માતાઓએ તેમના બધા આરોપને પાયાવિહોણા ગણાવ્યા હતા.
બિગ બોસ જીતી
ભાભીજી ઘર પર હે છોડ્યા બાદ શિંદેએ રિયાલિટી ટીવી શો બિગ બોસ 11માં ભાગ લીધો. તે આ શોની વિજેતા રહી. શિલ્પાએ હીના ખાન, વિકાસ ગુપ્તા અને પુનીશ શર્માને હરાવીને આ ખિતાબ જીત્યો હતો. આ શોને જીત્યા બાદ ફરીથી એકવાર શિલ્પાનું નસીબ ચમક્યુ.
મુંબઈની રહેવાસી શિલ્પા
શિલ્પાનો જન્મ 28 ઓગસ્ટ 1977માં મુંબઈમાં થયો હતો. ચાર ભાઈ બહેનોમાં ત્રીજા નંબરની શિલ્પા પોતાના પરિવારની લાડકી છે. તેના સિવાય તેના બધા ભાઈ બહેન પરિણીત છે. તેમના પિતા હાઈકોર્ટમાં જજ હતા પરંતુ વર્ષ 2013માં તેમનું નિધન થઈ ગયુ હતુ જ્યારે તેમની માતા ગીતા શિંદે ગૃહિણી છે, શિલ્પા પોતાની માતાની ઘણી નજીક છે.
આ પણ વાંચોઃ સમલૈંગિકતાને ગુનાહિત શ્રેણીમાંથી બહાર રખાયા બાદ પ્રથમ ગે મેરેજ પાર્ટી, જાણો કોણ છે