• search
For Quick Alerts
ALLOW NOTIFICATIONS  
For Daily Alerts

એર ઈન્ડિયાએ રોક્યુ ફ્લાઈટનુ બુકિંગ, DGCAએ જારી કર્યુ સર્ક્યુલર

|

સરકારી વિમાન કંપની એર ઈન્ડિયાએ કેન્દ્રીય નાગરિક ઉડ્ડયન મંત્રી હરદીપ સિંહ પુરીની સલાહ બાદ પોતાની બધી ઉડાનો માટે ટિકિટોનુ બુકિંગ બંધ કરી દીધુ છે. કંપનીના અધિકારીઓએ આની માહિતી આપી. તમને જણાવી દઈએ કે ઉડ્ડનયન મંત્રીએ શનિવારે કહ્યુ હતુ કે વિમાન કંપનીઓએ યાત્રી ઉડાનો શરૂ કરવા વિશે સરકરાના નિર્દેશ મળ્યા બાદ જ ટિકિટોનુ બુકિંગ શરૂ કરવુ ત્યારબાદ રવિવારે એરઈન્ડિયા તરફથી કહેવામાં આવ્યુ કે તેણે બુકિંગ બંધ કરી દીધુ છે. કંપનીના અધિકારીઓએ રવિવારે જણાવ્યુ કે અમે બધી એડવાન્સ બુકિંગ બંધ કરી દીધી છે. કોઈ પણ યાત્રી જેમણે ટિકિટ બુક કરી હોય અને સંબંધિત ઉડાન રદ થઈ જાય તો એવા સમયમાં તે યાત્રીને બાદમાં ટિકિટ બુક કરાવવા માટે ક્રેડિટ વાઉચર આપવામાં આવશે.

વિસ્તારા અને એર એશિયા ઈન્ડિયાએ આપ્યુ આ નિવેદન

વિસ્તારા અને એર એશિયા ઈન્ડિયાએ આપ્યુ આ નિવેદન

જો કે ખાનગી કંપનીઓએ ચાર બાદની ઉડાનો માટે ટિકિટોનુ બુકિંગ હાલમાં બંધ કર્યુ નથી. વિસ્તારા અને એર એશિયા ઈન્ડિયાએ કહ્યુ કે અત્યાર સુધી તેમને સરકાર તરફથી બુકિંગ ન કરવા અંગે લેખિતમાં કોઈ આદેશ મળ્યો નથી. આ અંગે અમે મંત્રાલયની નોટિસની રાહ જોઈશુ. અમે 3 મે સુધી ઉડાનો અને બુકિંગ બંધ રાખ્યુ છે પરંતુચાર મે અને ત્યારબાદની તારીખો માટે બુકિંગ સ્વીકારી રહ્યા છે. વિમાન કંપનીનુ કહેવુ હતુ કે મંત્રાલય તરફથી સ્થિતિ સ્પષ્ટ કરી દેવામાં આવશે ત્યારે અમે બુકિંગ બંધ કરી દઈશુ.

ડીજીસીએ જારી કર્યુ સર્ક્યુલર

ડીજીસીએ જારી કર્યુ સર્ક્યુલર

ત્યારબાદ ડીજીસીએ તરફથી રવિવારે સાંજે એક સર્ક્યુલર જારી કરવામાં આવ્યુ જેમાં એરલાઈનોને ટિકિટ બુક કરવાનુ ટાળવાના નિર્દેશ આપવામાં આવ્યા છે. એરલાઈન્સોને એ પણ કહેવામાં આવ્યુ છે કે તેમણે પરિચાલન શરૂ કરવા માટે પૂરતો સમય આપવામાં આવશે. એટલુ જ નહિ પરિચાલન શરૂ કરવા માટે તેમને કાયદેસર નોટિસ પણ આપવામાં આવશે.

હરદીપ સિંહ પુરીએ આપી હતી બુકિંગ બંધ રાખવાની સલાહ

હરદીપ સિંહ પુરીએ આપી હતી બુકિંગ બંધ રાખવાની સલાહ

નાગરિક ઉડ્ડયન મંત્રી હરદીપ પુરીએ મોડી રાતે એક ટ્વિટ કરીને કહ્યુ હતુ કે નાગરિક ઉડ્ડયન મંત્રાલય એ સ્પષ્ટ કરે છે કે ઘરેલુ કે આંતરરાષ્ટ્રીય ઉડાનોનુ પરિચાલન શરૂ કરવા વિશે અત્યાર સુધી કોઈ નિર્ણય લેવામાં આવ્યો નથી. વિમાન સેવા કંપનીઓને સલાહ આપવામાં આવે છે કે તે આ અંગે સરકારના નિર્ણય બાદ જ બુકિંગ શરૂ કરે. તમને જણાવી દઈએ કે એરઈન્ડિયાએ શનિવારે કહ્યુ હતુ કે 4 મે પછી ઘરેલુ અને 1 જૂનથી આંતરરાષ્ટ્રીય ઉડાનો માટે ટિકિટ બુકિંગની સુવિધા હશે. તમને જણાવી દઈએ કે લૉકડાઉનના એલાન બાદ એક ઈન્ડિયા સહિત દેશની બધી એરલાઈન્સની ઘરેલુ અને આંતરરાષ્ટ્રીય બંને પ્રકારની ફ્લઈટ્સનુ પરિચાલન બંધ છે.

આ પણ વાંચોઃ Good News: ગોવા પછી હવે મણિપુર બન્યુ કોરોના મુક્ત, બધા દર્દી થયા રિકવર

English summary
Air India has stopped taking bookings on all flights, said its officials.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X