Click it and Unblock the Notifications
Just In
-
-
-
-
Don't Miss
-
WhatsApp પર AIનો ઉપયોગ કરીને જનરેટ કરો ઈમેજ, બસ આટલું કરો -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
દિલ્હી સરકારના તમામ વિભાગો 30 જૂન સુધીમાં ઈ-ઓફિસમાં ફેરવાઈ જશે!
દિલ્હી સરકારે તમામ વિભાગોને 30 જૂન સુધીમાં સંપૂર્ણપણે ઈ-ઓફિસમાં ફેરવવા જણાવ્યું છે. આ સાથે સરકારના પ્રોજેક્ટને સમયસર શરૂ કરવા માટે 20 જૂન સુધીમાં જરૂરી ઈન્ફ્રાસ્ટ્રક્ચર તૈયાર કરવા સૂચના આપવામાં આવી છે.
દિલ્હી સરકારે તમામ વિભાગોને 30 જૂન સુધીમાં સંપૂર્ણપણે ઈ-ઓફિસમાં ફેરવવા જણાવ્યું છે. આ સાથે સરકારના પ્રોજેક્ટને સમયસર શરૂ કરવા માટે 20 જૂન સુધીમાં જરૂરી ઈન્ફ્રાસ્ટ્રક્ચર તૈયાર કરવા સૂચના આપવામાં આવી છે. ઇન્ફોર્મેશન ટેક્નોલોજી (IT) વિભાગે આ સંદર્ભે એક પરિપત્ર બહાર પાડ્યો છે.
પરિપત્ર મુજબ, દરેક વિભાગે ઈ-ઓફિસમાં રેકોર્ડના સ્કેનિંગ માટે હાઈ સ્પીડ સ્કેનર, કોમ્પ્યુટર અને ઈન્ટરનેટ કનેક્ટિવિટીથી સજ્જ સેન્ટ્રલ રેકોર્ડ યુનિટ સ્થાપિત કરવું જરૂરી છે. તમામ વિભાગોએ 20 જૂન સુધીમાં જરૂરી ઈન્ફ્રાસ્ટ્રક્ચર સુનિશ્ચિત કરવાનું રહેશે, જેથી ઈ-ઓફિસ પ્રોજેક્ટ સમયસર શરૂ થઈ શકે.
વિભાગ દ્વારા બહાર પાડવામાં આવેલા અન્ય એક પરિપત્રમાં, ઈ-ઓફિસ પ્રોજેક્ટના નોડલ ઓફિસરે ઈ-ઓફિસના જૂના વર્ઝનને નવામાં ટ્રાન્સફર કરવાની મંજૂરી આપી છે. NIC (નેશનલ ઇન્ફોર્મેટિક્સ સેન્ટર) 17 થી 19 જૂન દરમિયાન આ અપ-ગ્રેડેશન કાર્ય કરશે. આ સમયગાળા દરમિયાન ઈ-ઓફિસની સેવાઓ ઉપલબ્ધ રહેશે નહીં.
IT વિભાગે ગયા મહિને જારી કરેલા આદેશમાં ઈ-ઓફિસ પર સંપૂર્ણ સ્વિચ કરવાની તારીખ 30 જૂન નક્કી કરી હતી. દિલ્હી કેબિનેટે 2015માં દિલ્હી સરકાર, સ્વાયત્ત અને સ્થાનિક સંસ્થાઓના તમામ વિભાગોમાં ઇ-ઓફિસના અમલીકરણને મંજૂરી આપી હતી. આ પછી કેટલાક વિભાગોએ તેનો અમલ કર્યો હતો. હવે નવા આદેશમાં જણાવાયું છે કે તમામ વિભાગોને ઈ-ઓફિસમાં રૂપાંતરિત કરવા પડશે.
