‘અલવર ગેંગરેપ પર કોંગ્રેસ સરકાર સામે કાર્યવાહી કરે સુપ્રીમ કોર્ટ'
રાજસ્થાનના અલવરમાં પરિણીતા સાથે થયેલા ગેંગરેપની ઘટનામાં પોલિસના વલણ માટે વિરોધ ચાલુ છે. આ દરમિયાન અલવર ગેંગરેપ મામલે બસપા સુપ્રીમો માયાવતીનું પણ નિવેદન આવ્યુ છે.
રાજસ્થાનના અલવરમાં પરિણીતા સાથે થયેલા ગેંગરેપની ઘટનામાં પોલિસના વલણ માટે વિરોધ ચાલુ છે. આ દરમિયાન અલવર ગેંગરેપ મામલે બસપા સુપ્રીમો માયાવતીનું પણ નિવેદન આવ્યુ છે. માયાવતીએ કહ્યુ કે અલવર ગેંગરેપ મામલે દોષીતોને ફાંસીની સજા આપવી જોઈએ. માયાવતીએ અલવર ગેંગરેપ માટે કોંગ્રેસ સરકારને આડેહાથ લીધી.
બસપા સુપ્રીમોએ કહ્યુ, 'સુપ્રીમ કોર્ટને રાજ્યની કોંગ્રેસ સરકાર, પોલિસ અને પ્રશાસન સામે કાર્યવાહી કરવી જોઈએ. આ કેસમાં માત્ર દલિતોનો જ નહિ પરંતુ બધી મહિલાઓ સાથે જોડાયેલો છે.' તમને જણાવી દઈએ કે રાજસ્થાનને શરમમાં મૂકનાર વિવાહિતા સાથે સામૂહિક દુષ્કર્મ મામલે અત્યાર સુધી પાંચ મુખ્ય આરોપીઓમાંથી ચારને પોલિસ પકડી ચૂકી છે. સાથે જ અલવર ગેંગરેપનો વીડિયો સોશિયલ મીડિયા પર વાયરલ કરવાના આરોપીને પણ પકડી લેવામાં આવ્યો છે.
BSP Chief Mayawati: The guilty in Alwar gang-rape case should be hanged till death. Supreme Court should take action against the Congress government, police and the administration in the state. This matter is not just related to Dalits but all women. pic.twitter.com/CXm5GnCm6D
— ANI UP (@ANINewsUP) 11 May 2019
બસપા સુપ્રીમોએ ચૂંટણી પ્રચાર દરમિયાન વાંધાજનક ટિપ્પણી કરનારા નેતાઓ સામે કાર્યવાહી કરવાની માંગ કરી. તેમણે કહ્યુ કે ચૂંટણી કમિશન એ રાજકીય નેતાઓ સામે ઉચિત કાર્યવાહી નથી કરી રહ્યા છે જે લોકસભા ચૂંટણી દરમિયાન મહિલાઓ સામે અપમાનજનક ટિપ્પણી કરી રહ્યા છે. તમને જણાવી દઈએ કે લોકસભા ચૂંટણી દરમિયાન ઘણા નેતાઓએ વાંધાજનક ટિપ્પણી કરી છે.
આ પણ વાંચોઃ પીએમ મોદી એ નવવધુ જેવા છે જે રોટલી ઓછી વણે છે અને બંગડીઓ વધુ ખણકાવે છેઃ સિદ્ધુ