સતત ઝેરીલી બની રહી છે દિલ્હીની હવા, રહો સાવધાન
દિલ્હીની હવા બની ઝેરીલી, રહો સાવધાન
નવી દિલ્હીઃ ફરી એકવાર દિલ્હીની આબોહવા ખરાબ થઈ ગઈ છે અને ઋતુ બદલવાના કારણે અહિંની હવામાંનનું પ્રદુષણનું સ્તર વધી ગયું છે. ઓક્ટોબરથી શરૂ થતો શિયાળો હજુ બાકી જ છે તેવામાં દિલ્હીની આબોહવા પ્રદુષિત થતાં હવામાન ખાતાની પરેશાનીમાં વધારો થયો છે. રિપોર્ટ મુજબ રાજધાની દિલ્હી અને એનસીઆરમાં ખાસ રીતે સવારે અને સાંજે પ્રદૂષણનું સ્તર ખરાબ બન્યું છે. બુપોરના સમયે તેજ ધપને કારણે ક્યારેક આ સામાન્ય સ્તર પર પણ પહોંચી શકે છે, પરંતુ સાંજના સમયે તે પરત પોતાના રૂપમાં આવી જાય છે.
દિલ્હીની હવામાં ભળ્યું ઝહેર
હવામાન ખાતાની ચિંતામાં પણ એટલા માટે વધારો થયો છે કેમ કે પ્રદૂષણ સ્તર ઘાંસ અને પાક સળગાવતા પહેલા જ આટલે ઉપર પહોંચી ગયું છે, એવામાં હવે 15 ઓક્ટોબરથી હરિયાણા, પંજાબના ખેડૂતો પણ ખેતરનો કચરો સળગાવવાનું શરૂ કરશે જેને પગલે દિલ્હીની હવા પર વધુ અસર પડશે. જો કે પ્રશાસન તરફથી ભારે સાવધાની વરતવામાં આવી રહી છે, છતાં દિલ્હીનો એર ઈન્ડેક્સ અત્યારથી જ ખરાબ સ્તરને અડકવા લાગ્યો છે.
દિલ્હીનો એર ઈન્ડેક્સ 201
સીપીસીબીના એર બુલેટિન મુજબ દિલ્હીનો એર ઈન્ડેક્સ 201, ભિવાડીનો 298, ગુરુગ્રામનો 292, ફરીદાબાદનો 206, ગાઝિયાબાદનો 248, ગ્રેટર નોઈડાનો 202 અને નોઈડાનો એર ઈન્ડેક્સ 257 નોંધાયો છે.
પાછલા ત્રણ વર્ષમાં દિલ્હીમાં પ્રદૂષણની સમસ્યા વધી
ઓક્ટોબરમાં પાછલા ત્રણ વર્ષથી દિલ્હીમાં પ્રદૂષણની સમસ્યા વધી રહી છે. દિલ્હીમાં પ્રદૂષણનું સ્તર સતત વધી રહ્યું છે. કેન્દ્રીય પ્રદૂષણ નિયંત્રણ બોર્ડના આંકડાઓ મુજબ દિલ્હીના કેટલાય વિસ્તારોમાં હવાના પ્રદૂષણનું સ્તર જૂનમાં 500થી વધુ રહ્યું.
PM10નું સ્તર 8 ગણું વધ્યું
PM10નું સ્તર બુધવારે 8 ગણું વધી ગયું હતું જેને કારણે દિલ્હીમાં કેટલાક દિવસો માટે નિર્માણકાર્યો પર રોક લગાવી દેવામાં આવી હતી.