કોંગ્રેસના નેતા અધિર રંજન ચૌધરીના ઘરે હુમલો, સ્ટાફ સાથે કરી મારપીટ

કોંગ્રેસના સાંસદ અધિર રંજન ચૌધરીના મંગળવારે સાંજે દિલ્હીના નિવાસસ્થાને કેટલાક બદમાશોએ હુમલો કર્યા બાદ ખળભળાટ મચી ગયો હતો. પ્રાપ્ત માહિતી અનુસાર, કેટલાક અજાણ્યા લોકોએ કોંગ્રેસના નેતાના નિવાસસ્થાનમાં પ્રવેશવાનો પ્રયાસ કર્યો હતો અને ત્યાં હાજર ગૃહ કર્મચારીઓ પર પણ હુમલો કર્યો હતો. ઘટનાની વિગતો જોતા પોલીસ ટીમ અધિર રંજન ચૌધરીના ઘરે પહોંચી હતી અને પરિસ્થિતિનો તાગ મેળવ્યો હતો. પોલીસે કહ્યું કે અમે હુમલાખોરોને ઓળખવાનો પ્રયાસ કરી રહ્યા છીએ.