ભાજપનું નવું અભિયાન ‘મોદી આને વાલા હૈ’

રથ 12 હજાર ગામોમાં જશે

ભાજપના પ્રદેશ પ્રભારી અમિત શાહે જણાવ્યું કે રથ 12 હજાર ગામોનું ભ્રમણ કરશે. રથની સાથે પક્ષના પીએમ પદના ઉમેદવાર નરેન્દ્ર મોદી તથા રાષ્ટ્રીય અધ્યક્ષ રાજનાથ સિંહનો ઓડિયો અને વીડિયો કેસેટ પ્રસારિત કરવામાં આવશે. એક સૂત્રએ જણાવ્યું કે, ભાજપે આખા પ્રદેશમાં 1,40,000 મતદાન બૂથોની પસંદગી કરી છે.

પાર્ટી માટે અનુકૂળ નહીં રહેલા વિસ્તારોની પસંદગી

આ બૂથ એવા છે જે કોઇ પણ પાર્ટી અનુકૂળ નહીં રહેલા અને આજે પણ સૌથી પછાત વિસ્તારો છે. આવા બુથ મોટાભાગે બુંદેલખંડ અને પૂર્વાચલના છે. અભિયાન હેઠળ એવા વિસ્તારોની વિશેષ પસંદગી કરવામાં આવી છે, જ્યાં રસ્તા અને વિજળીની સ્થિતિ ઘણી જ ખરાબ છે. પાર્ટીએ આ પડકારને ક્રિટિકલ નામ આપ્યું છે, અર્થાત જે કામ ભાજપ માટે કપરું છે.

આવા વિસ્તારોમાં પાર્ટીની જીત નિશ્ચિત કરવા માટે મંથન

આવા ક્ષેત્રોમાં પાર્ટીની જીત કેવી રીતે સુનિશ્ચિત કરવામાં આવે, એ માટે પાર્ટીના નેતાઓ મંથન કરી રહ્યાં છે. વિધાનસભા ક્ષેત્રોનું ભ્રમણ કરનારા રથો પર સારથી ઉપરાંત એક ઓપરેટર અને એક પાર્ટી વિસ્તારક હશે. રથ જે વિધાનસભા ક્ષેત્રમાં જશે, ત્યાં પાર્ટીનો એક કાર્યકર્તા બે મીનિટમાં જનસમૂહ સમક્ષ પાર્ટીના વિચાર અને દ્રષ્ટિકોણ રજૂ કરશે.

નરેન્દ્ર મોદી જનતા સાથે થશે રૂબરૂ

ત્યાર બાદ એલઇડી ટેલીવિઝનથી નરેન્દ્ર મોદી જનતા સાથે રૂબરૂ થશે. નોંધનીય છે કે, ભાજપનો આ રથ અત્યાધુનિક સુવિધાઓથી ભરેલો હશે. રથમાં વ્હીકલ ટ્રેકિંગ ડિવાઇસ લાગેલી હશે, જેના માધ્યમતી કયો રથ કયા વિધાનસભા ક્ષેત્રના કયા ગામમાં ઉભો છે, ચાલી રહો છે, રોકાયેલો છે, તેની પળેપળની જાણકારી પ્રાપ્ત કરી શકાશે. રથ અંગે તમામ સંબંધિત જાણકારી ગુગલ મેપ થકી રનિંગ ડિવાયસ પર દેખાતી રહેશે.