મુંબઈમાં 11 જગ્યાઓને બોમ્બની ઉડાવી દેવાની ધમકી, નાણામંત્રીના રાજીનામાની માંગ

રિઝર્વ બેંક ઓફ ઈન્ડિયા, HDFC અને ICICI બેંકો સહિત મુંબઈની બેંકોને બોમ્બથી ઉડાવી દેવાની ધમકીઓ મળી છે. ઈમેલમાં કહેવાયુ છે કે, મુંબઈમાં 11 અલગ-અલગ જગ્યાએ બોમ્બ મુકવામાં આવ્યા છે.

આ ધમકી એક ઈમેલથી મળી છે. મેઈલ RBI ગવર્નર શક્તિકાંત દાસ અને કેન્દ્રીય નાણા મંત્રી નિર્મલા સીતારમણના રાજીનામાની માંગ કરી છે.

મુંબઈ પોલીસ અનુસાર, ધમકીમાં કહેવામાં આવ્યું છે કે અમે મુંબઈમાં વિવિધ સ્થળોએ 11 બોમ્બ રાખ્યા છે. RBIએ ખાનગી ક્ષેત્રની બેંકો સાથે મળીને ભારતના ઈતિહાસનું સૌથી મોટું કૌભાંડ આચર્યું છે.

આરબીઆઈના ગવર્નર શક્તિકાંત દાસ, નાણામંત્રી નિર્મલા સીતારમણ અને કેટલાક ટોચના બેંકિંગ અધિકારીઓ સહિત ભારતના કેટલાક પ્રખ્યાત મંત્રીઓ આ કૌભાંડમાં સામેલ હોવાનો ઉલ્લેખ છે.

મુંબઈ પોલીસે જણાવ્યું કે, મુંબઈમાં 11 સ્થળોએ કુલ 11 બોમ્બની ધમકીઓ આપવામાં આવી. આ સિવાય ઈમેલમાં જ્યાં ત્રણ બોમ્બ મુકવામાં આવ્યા હતા તે સ્થળનો પણ ઉલ્લેખ કરવામાં આવ્યો છે.

આ સ્થળોએ બોમ્બ મુકાયાની ધમકી
RBI - ન્યુ સેન્ટ્રલ બિલ્ડીંગ ફોર્ટ, મુંબઈ
HDFC હાઉસ-ચર્ચગેટ, મુંબઈ
ICICI બેંક ટાવર્સ, BKC, મુંબઈ

ઈમેલમાં કહેવાયુ છે કે, અમે માંગણી કરીએ છીએ કે આરબીઆઈ ગવર્નર અને નાણામંત્રી બંને તરત જ તેમના પદ પરથી રાજીનામું આપે અને કૌભાંડની સંપૂર્ણ જાહેરાત સાથે એક પ્રેસ કોન્ફરન્સમાં નિવેદન જારી કરે.

અમે એવી પણ માગણી કરીએ છીએ કે સરકાર તેને અને તેમાં સંડોવાયેલા તમામને તેઓ જે સજાને પાત્ર છે તે આપે. મુંબઈ પોલીસે જણાવ્યું કે, તેઓએ આ તમામ સ્થળોની મુલાકાત લીધી હતી અને તપાસ કરી છે પરંતુ કંઈ ન મળ્યુ. કેસ નોંધવામાં આવ્યો છે અને તપાસ ચાલુ છે.

English summary

Bomb threat to 11 places in Mumbai, demands resignation of finance minister