• search
For Quick Alerts
ALLOW NOTIFICATIONS  
For Daily Alerts

ભારતે લદ્દાખમાં 19 હજાર ફુટની ઉંચાઈએ દુનિયાનો સૌથી ઉંચો રોડ બનાવી રેકોર્ડ સ્થાપ્યો!

By Desk
|
Google Oneindia Gujarati News

નવી દિલ્હી, 16 નવેમ્બર : બોર્ડર રોડ ઓર્ગેનાઈઝેશન (BRO) એ સમગ્ર વિશ્વમાં પોતાની સફળતાનો ડંકો વગાડ્યો છે. સંરક્ષણ મંત્રાલયના જણાવ્યા અનુસાર, બીઆરઓએ પૂર્વ લદ્દાખમાં 19,024 ફૂટની ઊંચાઈએ વિશ્વનો સૌથી ઊંચો મોટરેબલ રોડ બનાવીને ગિનીસ વર્લ્ડ રેકોર્ડમાં પ્રવેશ કર્યો છે. મંગળવારે વર્ચ્યુઅલ માધ્યમ દ્વારા ગિનીસ રેકોર્ડ્સ તરફથી સફળતાનું આ પ્રમાણપત્ર મેળવ્યું છે. આ સાથે BRO એ વિશ્વના સૌથી ઊંચા શિખર માઉન્ટ એવરેસ્ટના બંને બેઝ કેમ્પની ઊંચાઈને પણ માત આપી છે. ગિનિસ રેકોર્ડ મેળવવાની આ પ્રક્રિયા ઘણા મહિનાઓથી ચાલી રહી હતી, પરંતુ મંગળવારે તે કામ ઔપચારિક રીતે પૂર્ણ થયું.

વિશ્વનો સૌથી ઊંચો રોડ 19,024 ફીટ પર બાંધવામાં આવ્યો

વિશ્વનો સૌથી ઊંચો રોડ 19,024 ફીટ પર બાંધવામાં આવ્યો

મંગળવારે બોર્ડર રોડ ઓર્ગેનાઈઝેશનને વિશ્વનો સૌથી ઉંચો રોડ બનાવવા માટે ગિનિસ વર્લ્ડ રેકોર્ડમાં સ્થાન આપવામાં આવ્યું છે. ડાયરેક્ટર જનરલ બોર્ડર રોડ લેફ્ટનન્ટ જનરલ રાજીવ ચૌધરીએ વર્ચ્યુઅલ માધ્યમ દ્વારા BRO તરફથી આ વર્લ્ડ રેકોર્ડ પ્રમાણપત્ર મેળવ્યું છે. BRO ને આ પુરસ્કાર લદ્દાખમાં ઉમલિંગલા પાસ પાસે 19,024 ફૂટની ઊંચાઈએ વિશ્વના સૌથી ઊંચા મોટરેબલ રોડના નિર્માણ અને બ્લેક ટોપિંગ માટે આપવામાં આવ્યો છે. આ કાર્યક્રમ દરમિયાન ગીનીસ બુક ઓફ વર્લ્ડ રેકોર્ડ યુનાઇટેડ કિંગ્ડમના સત્તાવાર નિર્ણાયક ઋષિ નાથે બોર્ડર રોડ ઓર્ગેનાઇઝેશનની આ ઐતિહાસિક સફળતાને સ્વીકારી હતી. આ પ્રક્રિયાને પૂર્ણ થવામાં ગીનીસ વર્લ્ડ રેકોર્ડને ચાર મહિનાનો સમય લાગ્યો હતો, જે દરમિયાન પાંચ અલગ-અલગ સર્વેયરોએ BROના દાવાઓની સંપૂર્ણ તપાસ કરી હતી.

આ રોડ માઉન્ટ એવરેસ્ટના બંને બેઝ કેમ્પથી ઊંચાઈ પર છે

આ રોડ માઉન્ટ એવરેસ્ટના બંને બેઝ કેમ્પથી ઊંચાઈ પર છે

આ 52 કિલોમીટર લાંબો ડામર રોડ ચિસુમલેથી ડેમચોક સુધી જાય છે, જે 19,024 ફૂટ ઊંચા ઉમલિંગ્લા પાસમાંથી પસાર થાય છે. આ પહેલા સૌથી ઉંચા રોડનો રેકોર્ડ બોલિવિયાના નામે હતો, બોલિવિયાએ અગાઉ 18,953 ફીટ પર જ્વાળામુખી યુટુરુન્કુને જોડતા વિશ્વના સૌથી ઊંચા રસ્તાનું નિર્માણ કર્યુ હતું. ભારત માટે આ બેવડી ઐતિહાસિક સિદ્ધિ છે, કારણ કે તે માઉન્ટ એવરેસ્ટના ઉત્તર અને દક્ષિણ બેઝ કેમ્પ કરતા પણ ઉંચો છે, જે અનુક્રમે 16,900 અને 17,598 ફૂટની ઉંચાઈ પર સ્થિત છે.

માઈનસ 40 ડિગ્રી તાપમાન અને 50% ઓછા ઓક્સિજનમાં નિર્માણ

માઈનસ 40 ડિગ્રી તાપમાન અને 50% ઓછા ઓક્સિજનમાં નિર્માણ

આ પ્રસંગે લેફ્ટનન્ટ જનરલ ચૌધરીએ ઉમલિંગ્લા પાસ સુધીના રસ્તાના નિર્માણ દરમિયાન BROને જે પડકારોનો સામનો કરવો પડ્યો હતો તે વિશે જણાવ્યું. તેમના મતે આ પ્રોજેક્ટ માનવ હિંમત અને મશીનોની ક્ષમતા બંનેની કસોટી જેવો હતો, જ્યાં શિયાળા દરમિયાન તાપમાન માઈનસ 40 ડિગ્રી થઈ જાય છે અને ઓક્સિજનનું સ્તર સામાન્ય કરતાં 50 ટકા ઓછું થઈ જાય છે. જ્યારે, આ વિસ્તાર પ્રાકૃતિક રીતે મુશ્કેલ છે.

વ્યૂહાત્મક દૃષ્ટિકોણથી આ રોડ મહત્વપૂર્ણ છે

વ્યૂહાત્મક દૃષ્ટિકોણથી આ રોડ મહત્વપૂર્ણ છે

આ વ્યૂહાત્મક રીતે મહત્વનો રસ્તો લગભગ 15 કિમી લાંબો છે, જેના નિર્માણ સાથે બોર્ડર રોડ ઓર્ગેનાઈઝેશને પૂર્વી લદ્દાખના મહત્વના ગામ ડેમચોકને પાકો રસ્તો પૂરો પાડ્યો છે. તેનાથી આ વિસ્તારના લોકોની સામાજિક-આર્થિક સ્થિતિમાં સુધારો થવાની અપેક્ષા છે અને લદ્દાખમાં પ્રવાસનને વેગ મળવાની સંભાવના છે. આ રોડનું નિર્માણ એ પણ દર્શાવે છે કે સરકાર સરહદી વિસ્તારોમાં ઈન્ફ્રાસ્ટ્રક્ચર ડેવલપમેન્ટ પર કેટલું ધ્યાન આપી રહી છે.

English summary
BRO builds world's highest road in Ladakh at 19,024 feet!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X