• search
For Quick Alerts
ALLOW NOTIFICATIONS  
For Daily Alerts

અમુલે ચીન વિરૂદ્ધ બનાવ્યું કાર્ટુન, એકાઉન્ટ થયુ બ્લોક, વિરોધ બાદ ફરી એક્ટીવ

|

ભારત અને ચીન વચ્ચે સરહદ વિવાદ છેલ્લા એક મહિનાથી ચાલી રહ્યો છે. આ દરમિયાન બંને દેશોના સૈનિકો પણ અનેક વખત અથડામણ થઇ હતી. ત્યારબાદથી, દેશભરમાં ચાઇનીઝ ઉત્પાદનોનો બહિષ્કાર કરવાની ઝુંબેશ ચાલી રહી છે. આ દરમિયાન અમૂલે ટ્વીટર પર ચીન પર એક કાર્ટૂન પણ શેર કર્યો હતો. જે બાદ તેનું એકાઉન્ટ બ્લોક કરાયું હતું. ટ્વીટરના આ નિર્ણયનો સખત વિરોધ કરવામાં આવ્યો હતો. જેના પર ટ્વીટર દ્વારા હવે અમૂલના એકાઉન્ટને ફરીથી સક્રિય કરવામાં આવ્યું છે.

અમુલના મેનેજીંગ ડિરેક્ટરે આપી પ્રતિક્રીયા

અમુલના મેનેજીંગ ડિરેક્ટરે આપી પ્રતિક્રીયા

આ કેસમાં અમૂલ ઈન્ડિયાના મેનેજિંગ ડિરેક્ટર આર એસ સોધીએ કહ્યું હતું કે 'એક્ઝિટ ધ ડ્રેગન' વિષય પર બનાવેલા કાર્ટૂનને શેર કર્યા પછી 4 જૂને કંપનીનું ટ્વીટર એકાઉન્ટ બ્લોક કરવામાં આવ્યું હતું. આ પછી, તેણે બધા પ્રોટોકોલોને અનુસર્યા, પછી તેનું એકાઉન્ટ ફરીથી સક્રિય થઈ ગયું. તેમણે ટ્વીટર પર આ સંદર્ભમાં પ્રશ્નો પૂછ્યા પણ હજી સુધી તેમની તરફથી કોઈ પ્રતિક્રિયા આવી નથી.

ટ્વીટરે આપી સફાઇ

ટ્વીટરે આપી સફાઇ

ટ્વીટર અનુસાર, તેમણે ચાઇનીઝ કાર્ટૂનને કારણે અમૂલના એકાઉન્ટને બ્લોક કર્યાો નથી. આ પગલું અમૂલના એકાઉન્ટને સુરક્ષાના દૃષ્ટિકોણથી લેવામાં આવ્યું છે. ટ્વીટર અનુસાર, કંપનીના એકાઉન્ટ્સને નિષ્ક્રિય કરવામાં આવ્યા નથી, તેઓએ ફક્ત એક્સેસને અટકાવ્યું હતું. જ્યારે અમૂલે બધી ઔપચારિકતાઓ પૂર્ણ કરી, એકાઉન્ટ ફરી શરૂ કરવામાં આવ્યું હતું.

ટ્વીટર પર અમુલ થયું ટ્રેંડ

અમૂલના એકાઉન્ટને બ્લોક કરાયાના સમાચાર સોશિયલ મીડિયા પર આગની જેમ ફેલાઈ ગયા છે. જે બાદ અમૂલે ટ્વીટર પર ટ્રેન્ડ કરવાનું શરૂ કર્યું. આ દરમિયાન, વપરાશકર્તાઓએ ટ્વીટર સામે જોરશોરથી પ્રહાર કર્યો. એક યુઝરે લખ્યું કે ટ્વીટર દ્વારા કાર્ટૂન પર અમૂલનું એકાઉન્ટ અવરોધિત કરવામાં આવ્યું છે, જ્યારે ચીન તેના દેશમાં ટ્વીટર સાઇટને ખોલવા દેતું નથી. આ ખૂબ જ શરમજનક છે. તે જ સમયે, દીપક નામના યુઝરે લખ્યું કે ટ્વીટર પર તમારે કોઈની પણ બાજુ લેવાની જરૂર નથી. તમે તેનો એક ભાગ નથી. જો તમે આવું કરો છો તો એક્ઝિટ ડ્રેગન અભિયાન શરૂ કરનારા ભારતીયો પણ એક્ઝિટ ટ્વીટર અભિયાન શરૂ કરી શકે છે.

આ પણ વાંચો: કેન્દ્ર સરકારે પ્રવાસી મજુરો મુદ્દે સુપ્રીમમાં એફિડેવિટ દાખલ કર્યુ, જણાવી મુખ્ય વાતો

English summary
Cartoon made by Amul against China, account blocked
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X