98 વિધાયકો, 7 સાંસદોની સંપત્તિમાં થયો જોરદાર વધારો
સીબીડીસીએ સુપ્રીમ કોર્ટને જણાવ્યું કે 7 એમપી સમેત 98 એમએલએ પાસે ચૂંટણી જીત્યા પછી છે આવક કરતા વધુ સંપત્તિ. અને આ અંગે તે કરી રહ્યા છે તપાસ.
કેન્દ્રીય પ્રત્યક્ષ કર બોર્ડ એટલે કે સીબીડીસી એ સોમવારે સુપ્રીમ કોર્ટને કહ્યું કે સાત સાંસદો અને 98 વિધાયકોની સંપત્તિમાં ગત થોડા સમયમાં મોટો વધારો થયો છે. તેવામાં સીબીડીસી આવકથી વધુ સંપત્તિ રાખવા મામલે આ સંસદો અને વિધાયકોની તપાસ કરી રહી છે. સીબીડીટીએ સુપ્રીમ કોર્ટને આ વાતની જાણકારી આપી છે. આ તમામ સાંસદો અને વિધાયકોના નામ પણ સુપ્રીમ કોર્ટને આપવામાં આવ્યા છે. સીબીડીસીએ મંગળવારે આ તમામ વિધાયકો અને સાંસદોના નામ બંધ પત્રમાં જમા કરાવ્યા છે.આ જનપ્રતિનિધિઓની સંપત્તિની શરૂઆતી તપાસમાં આ વાત બહાર આવી છે.
ચૂંટણી વખતે ભરેલા સોંગદનામાં તે લોકોની જે આવક હતી તેની સામે અત્યારે તેમની આવકમાં ધરખમ વધારો જોવા મળ્યો છે. નોંધનીય છે કે જનપ્રતિનિધિઓની સંપત્તિને લઇને લખનઉના એક એનજીઓએ 26 લોકસભા સાંસદો, 11 સાંસદો અને 257 વિધાયકો વિરુદ્ધ સવાલ ઉઠાવ્યા હતા. એનજીઓએ આ મામલે સુપ્રીમક કોર્ટમાં અરજી દાખલ કરી હતી. જે પછી આયકર વિભાગે આ વાતની તપાસ શરૂ કરી છે. શરૂઆતી તપાસમાં સોમવારે કોર્ટને સીબીડીસીએ 98 વિધાયકો અને સાત સાંસદોના નામ રજૂ કર્યા હતા. અને હજી પણ કેટલાક જનપ્રતિનિધિઓ વિષે તપાસ ચાલી રહી છે તેવું જણાવ્યું હતું.