સાયબર ક્રાઈમને લઈને સીબીઆઈ સતત એક્શનમાં, 26 લોકોની ધરપકડ!
સેન્ટ્રલ બ્યુરો ઑફ ઇન્વેસ્ટિગેશન એટલે કે સીબીઆઈએ રાજ્ય પોલીસ, ઇન્ટરપોલ અને અન્ય દેશોની એજન્સીઓ સાથે મળીને અત્યાર સુધીમાં 26 સાયબર ગુનેગારોને પકડ્યા છે.
નવી દિલ્હી : સેન્ટ્રલ બ્યુરો ઑફ ઇન્વેસ્ટિગેશન એટલે કે સીબીઆઈએ રાજ્ય પોલીસ, ઇન્ટરપોલ અને અન્ય દેશોની એજન્સીઓ સાથે મળીને અત્યાર સુધીમાં 26 સાયબર ગુનેગારોને પકડ્યા છે. દેશમાં કાર્યરત સાયબર ક્રાઈમ નેટવર્કને ખતમ કરવા માટે સીબીઆઈનું આ એક મોટું પગલું છે. પીટીઆઈના અહેવાલ મુજબ, કર્ણાટક પોલીસ દ્વારા 16, દિલ્હીમાં 7, પંજાબ પોલીસ દ્વારા 2 અને આંદામાન અને નિકોબાર પોલીસ દ્વારા એક લોકોની ધરપકડ કરવામાં આવી છે.
સીબીઆઈએ તેના નિવેદનમાં કહ્યું કે, ઓપરેશનનો ઉદ્દેશ્ય દેશમાં કાર્યરત આ આંતરરાષ્ટ્રીય સાયબર ક્રાઈમ ગેંગના ઈન્ફ્રાસ્ટ્રક્ચરને નષ્ટ કરવાનો છે. આંતરરાષ્ટ્રીય સંગઠિત સાયબર અપરાધ સામે ભારતની લડાઈએ એક માઈલસ્ટોન હાંસલ કર્યો છે. તપાસ એજન્સીએ મંગળવારે નાણાકીય ગુનાઓમાં સંડોવાયેલા સાયબર ગુનેગારો વિરુદ્ધ દેશભરમાં 105 સ્થળોએ સર્ચ હાથ ધર્યું હતું. સીબીઆઈએ આ મામલે 11 કેસ નોંધ્યા હતા. એજન્સીએ 87 સ્થળોએ અને રાજ્ય પોલીસે 28 સ્થળોએ દરોડા પાડ્યા હતા.
રાજસ્થાનમાં એક જગ્યાએથી 1.5 કરોડ રૂપિયા અને 1.5 કિલો સોના સહિત કુલ 3 કરોડનો જથ્થો જપ્ત કરવામાં આવ્યો છે. દરોડા દરમિયાન સીબીઆઈએ પુણે અને અમદાવાદમાં બે કોલ સેન્ટરનો પણ પર્દાફાશ કર્યો છે. આ કોલ સેન્ટર અમેરિકી નાગરિકોને નિશાન બનાવીને સાયબર ફ્રોડમાં સામેલ હતા.
Click it and Unblock the Notifications
Sign in with Google
