ભિલાઇ સ્ટીલ પ્લાન્ટમાં ગેસ ગળતરઃ 2 GM સહિત છનાં મોત

રાયપુર, 13 જૂનઃ છત્તીસગઢના ભિલાઇ સ્ટીલ પ્લાન્ટમાં ગુરુવારે સાંજે મોટી દુર્ઘટના ઘટી છે. ઝેરીલી ગેસ ગળતર થવાના કારણે બે જીએમ સહિત છ લોકોના મોત નીપજ્યાં છે, જ્યારે 50થી વધુ લોકો ઇજાગ્રસ્ત થયા છે. જેમાં એકનું મોત ભાગદોડ બાદ પાણીમાં પડવાથી થયું છે. ગેસની ઝપેટમાં આવવાથી 29 લોકો બેભાન થઇ ગયા હતા.

ગેસ ગળતરની ઘટના સાંજે પાંચ વાગ્યાની આસપાસ ઘટી હતી. ગેસ ગળતર થતાં જ આસપાસના અધિકારી અને કર્મચારી તેની ઝપેટમાં આવી ગયા. સૂચના મેળવીને વોટર મેનેજમેન્ટ વિભાગના ડીજીએમ ઇન્ચાર્જ બીકે સિહં, ડીજીએસ એનસી કટારિયા, ચાર્જમેન એ.સેમુએલ, સીનિયર ઓપરેટર વાઇએસ સાહુ, ફાયરમેન રમેશ કુમાર શર્મા અને ઠેકા શ્રમીક વિકાસ વર્મા ઘટના સ્થળે પહોંચ્યા, પરંતુ ઝેરીલા કાર્બન મોનો ઓક્સાઇટના ગળતરથી તેમનું મોત નીપજ્યું.

અસરગ્રસ્તોમાં વોટર મેનેજમેન્ટ વિભાગના અધિકારીઓ ઉપરાંત ફાયર બ્રિગેડ અને સીઆઇએસએફના જવાન પણ સામેલ છે. તમને જણાવી દઇએ કે તેના પહેલા પણ બીએસપીમાં અનેક દુર્ઘટનાઓ થઇ ચૂકી છે. 9 જાન્યુઆરી 1986માંકોક ઓવનમાં ગેસ ગળતર થયું હતું, જેમાં 15 લોકોના મોત નીપજ્યાં હતા. 29 મે 1993ના રોજ યુનિટમાં દિવાલ ધસી પડી હતી, જેમાં છ મહિલા મજૂરોના મોત નીપજ્યાં હતા. જ્યારે 2008માં એમએસડીએસ-1માં એક કર્મચારીનું મૃત્યું થયું હતુ અને છ લોકોને ઇજા પહોંચી હતી.

English summary

Six people died and over 50 were injured when a blast occurred at Chhattisgarh's Bhilai Steel Plant followed by a gas leak that further worsened conditions on Thursday.