નવી દિલ્હીઃ દેશ આખો જીવલેણ વાઈરસ વિરુદ્ધ જંગ લડી રહ્યો છે. આ વાઈરસને પગલે કેટલાય લોકો દેશમાં પણ સંક્રમિત થયા છે. જેવી રીતે દેશભરમાં કોરોનાવાઈરસથી સંક્રમિત લોકોની સંખ્યામાં દરરોજ વધારો થઈ રહ્યો છે, તે બાદ પ્રધાનમંત્રી નરેન્દ્ર મોદીએ રાષ્ટ્રના નામે સંબોધનમાં દેશવાસીઓને જનતા કર્ફ્યૂનું આહ્વાન કર્યું છે. જે બાદ આખો દેશ જનતા કર્ફ્યૂને પગલે રોકી દેવામાં આવ્યો છે. કેટલાય રાજ્યોમાં મેટ્રો ટ્રેનની સેવા, બસ સેવા, શૉપિંગ મોલ, પેટ્રોલ પંપ વગેરે બંધ કરવાનો ફેસલો લેવામાં આવ્યો છે.