• search
For Quick Alerts
ALLOW NOTIFICATIONS  
For Daily Alerts

કોરોના વાયરસનો કહેર, દેશમાં પહેલી વાર એક દિવસમાં મળ્યા 2 લાખથી વધુ કેસ, 1038 મોત

|

નવી દિલ્લીઃ દેશમાં કોરોના વાયરસનો મોટો વિસ્ફોટ થયો છે. પહેલી વાર એક દિવસમાં 2 લાખથી પણ વધુ કેસ મળ્યા છે. કેન્દ્રીય આરોગ્ય તેમજ પરિવાર કલ્યાણ મંત્રાલયે ગુરુવારે આંકડા જાહેર કરીને જણાવ્યુ કે છેલ્લા 24 કલાકમાં દેશમાં કોરોના વાયરસના 2,00,739 નવા કેસ સામે આવ્યા છે. આ દરમિયાન 93,528 દર્દી રિકવર થયા છે અને 1038 લોકોના જીવ કોરોના વાયરસના કારણે ગયા છે. આરોગ્ય મંત્રાલયે જણાવ્યુ કે નવા દર્દી મળ્યા બાદ દેશમાં કોરોના વાયરસના કુલ કેસ વધીને 1,40,74,564 થઈ ગયા છે.

કેન્દ્રીય આરોગ્ય મંત્રાલયના જણાવ્યા અનુસાર નવા દર્દીઓમાં થઈ રહેલા સતત વધારાના કારણે દેશમાં સક્રિય કેસોની સંખ્યા વધીને 14,71,877 સુધી પહોંચી ગઈ છે. આ ઉપરાંત કોરોના વાયરસ અત્યાર સુધી 1,,73,123 લોકોના જીવ લઈ ચૂક્યો છે. કોરોના વાયરસ સામે હાલમાં દેશમાં રસીકરણ અભિયાનનો ત્રીજો તબક્કો ચાલુ છે જેમાં અત્યાર સુધી વેક્સીનનો 11,44,93,238 ડોઝ આપવામાં આવી ચૂક્યો છે.

દિલ્લીમાં 17282 નવા કેસ, સ્થિતિ ખરાબ

તમને જણાવી દઈએ કે મહારાષ્ટ્ર બાદ કોરોના વાયરસના કેસ દેશની રાજધાની દિલ્લીમાં પણ ઝડપથી વધી રહ્યા છે. બુધવારે દિલ્લીમાં એક દિવસની અંદર કોરોના વાયરસના 17282 નવા કેસ સામે આવ્યા. કોરોના વાયરસના વધતા સંક્રમણને જોતા દિલ્લી સરકારે હોટલ અને બેંક્વેટ હૉલને પણ હોસ્પિટલો સાથે એટેચ કરવાના આદેશ આપી દીધા છે. વળી, મહારાષ્ટ્રમાં બુધવારે કોરોના વાયરસના 58952 નવા દર્દી મળ્યા. કોરોના વાયરસની સ્થિતિ વિશે પ્રધાનમંત્રી નરેન્દ્ર મોદી આજે સાંજે 6 વાગે વીડિયો કૉન્ફરન્સિંગ દ્વારા દેશના બધા રાજ્યપાલો સાથે વાત કરશે. આ ઉપરાંત દિલ્લીના સીએમ અરવિંદ કેજરીવાલ પણ એલજીને મળીને કોરોના વાયરસની સ્થિતિ પર ચર્ચા કરશે.

આ રાજ્યોમાં એન્ટ્રી માટે બતાવવો પડશે નેગેટીવ RT-PCR રિપોર્ટઆ રાજ્યોમાં એન્ટ્રી માટે બતાવવો પડશે નેગેટીવ RT-PCR રિપોર્ટ

English summary
Corovirus Update: New 200739 coronavirus cases, active numbers reached 1471877 now in 24 hrs in India.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X